کراچی ،میرپور خاص میں مظاہرین نے غیر ملکی فوڈ چین کو آگ لگا دی

بدھ 9 اپریل 2025 17:43

میرپورخاص (اُردو پوائنٹ اخبارتازہ ترین - این این آئی۔ 09 اپریل2025ء) کراچی کے بعد میرپورخاص میں مظاہرین نے غیر ملکی فوڈ چین شاپ کو آگ لگا دی جبکہ پولیس پر پتھرا ؤسے ایس ایچ او سمیت پانچ اہلکار زخمی ہوگئے۔تفصیلات کے مطابق کراچی کے بعد میرپور خاص میں فلسطین کی حمایت میں احتجاج کرنے والے مظاہرین نے غیر ملکی فوڈ چین شاپ کو آگ لگادی مظاہرین کے پولیس پر پتھرا سے ایس ایچ او سمیت پانچ اہلکار زخمی ہوگئیپولیس کا کہنا ہے کہ گیارہ حملہ آوروں کو حراست میں لے لیا گیا ہے، مظاہرین کو منشتر کرنے کیلئے شیلنگ اور ہوائی فائرنگ کی۔

(جاری ہے)

ایس ایس پی میرپورخاص سمیرنور نے بتایا مظاہرین نے غیر ملکی فوڈ چین شاپ پر حملہ کرکے آگ لگائی، مظاہرین کے خلاف مقدمہ درج کریں گے۔یاد رہے کراچی کے پوش علاقے ڈیفنس خیابان اتحاد میں واقع غیرملکی فوڈ چین پر مشتعل افراد نے حملہ کردیا تھا ، درجنوں مشتعل افراد نے غیرملکی فوڈ چین کے ریسٹورنٹ پر پتھرا کیا اور نعرے بازی کرتے رہے۔مشتعل افراد نے فوڈ شاپ کے باہر گاڑیوں کو بھی نقصان پہنچایا، ایس ایس پی ساوتھ کا کہنا تھا کہ مشتعل افراد نے فوڈشاپ میں توڑ پھوڑ کی اور گیٹ کا شیشہ توڑا گیا تاہم اطلاع ملنے پر پولیس موقع پر پہنچی اور توڑ پھوڑ میں ملوث متعدد افراد کو حراست میں لے لیا تھا۔