مظفرآباد ،غیر قانونی افغان شہریوں کی اپنے وطن واپسی کے سلسلہ میں آپریشن ،تین ہولڈنگ پوائنٹس قائم

بدھ 9 اپریل 2025 22:19

مظفرآباد (اُردو پوائنٹ اخبارتازہ ترین - اے پی پی۔ 09 اپریل2025ء) مظفرآباد میں غیر قانونی افغان شہریوں کی اپنے وطن واپسی کے سلسلہ میں ضلعی انتظامیہ اور پولیس کی جانب سے آپریشن کیا گیا۔

(جاری ہے)

جس میں 48غیر قانونی افغان شہریوں کو اسسٹنٹ کمشنر (رورل) مظفرآبادحماد بشیر اور ڈپٹی سپرنٹنڈنٹ پولیس پٹہکہ (نصیرآباد) کی نگرانی میں ٹرانزٹ پوائنٹ لنڈی کوتل(طور خم)منتقل کیاگیا۔

افغان باشندگا ن کی نسبت ضلع ہذا کے حدود میں تین ہولڈنگ پوائنٹس قائم شدہ ہیں۔ جن پر موجود افغان شہریوں کے بحفاظت انخلاء کی نسبت ہر ممکن سہولت ضلعی انتظامیہ کی جانب سے فراہم کی جارہی ہے۔افغان باشندگان کی جانب سے حکومت آزاد کشمیر کی جانب سے قائم کردہ متذکرہ بالا ہولڈنگ پوائنٹس پر سہولیات و انتظام و انصرام کو مثبت انداز میں سراہاگیا۔