Live Updates

پاکستان کے مایہ ناز امپائر علیم ڈار آخری مرتبہ پی ایس ایل میں امپائرنگ کے فرائض انجام دیں گے

جمعرات 10 اپریل 2025 12:25

راولپنڈی (اُردو پوائنٹ اخبارتازہ ترین - اے پی پی۔ 10 اپریل2025ء) پاکستان کے مایہ ناز امپائر علیم ڈار آخری مرتبہ پی ایس ایل میں امپائرنگ کے فرائض انجام دیں گے۔ پاکستان سپر لیگ کے دسویں ایڈیشن میں 13 امپائرز اور 7 میچ ریفریز ذمہ داریاں نبھائیں گے۔ پی سی بی کے مطابق آئی سی سی کے ایلیٹ پینل میں شامل پاکستان کے احسن رضا، آسٹریلیا کے پال ریفل اور سری لنکا کے کمار دھرما سینا امپائرز پینل میں شامل ہیں۔

ان کے علاوہ انگلینڈ کے ایلکس وارف اور نیوزی لینڈ کے کرس براؤن بھی امپائرز پینل کا حصہ ہوں گے۔

(جاری ہے)

پاکستان سے علیم ڈار، آصف یعقوب، فیصل خان آفریدی، راشد ریاض وقار بھی ذمہ داریاں نبھائیں گے۔ یہ تمام پی سی بی کے انٹرنیشنل امپائرز کا حصہ ہیں۔ پی سی بی ایلیٹ پینل آف امپائرز عبدالمقیت، ناصر حسین، طارق رشید اور ذوالفقار جان بھی پی ایس ایل کے اس ایڈیشن میں امپائرنگ کریں گے۔

یہ علیم ڈار کا پی ایس ایل میں آخری ایڈیشن ہو گا۔ میچ ریفریز میں آئی سی سی ایلیٹ پینل آف میچ ریفری رنجن مدوگالے اپنے ساتھی سری لنکن روشن مہاناما کے ساتھ میچوں کی نگرانی کریں گے۔ دیگر میچ ریفریز میں علی نقوی اور محمد جاوید ملک شامل ہیں۔ ٹورنامنٹ میں افتخار احمد، اقبال شیخ اور ندیم ارشد بھی آفیشلز ہوں گے۔\932