پنجاب میں گوجرانوالہ کی اول پوزیشن بلا شبہ ٹیم ورک کا نتیجہ ہے،کمشنر

جمعرات 10 اپریل 2025 16:49

گوجرانوالہ (اُردو پوائنٹ اخبارتازہ ترین - اے پی پی۔ 10 اپریل2025ء) ممبران امن کمیٹی اور علمائےکرام کا شہر و ڈویژن کی بہتری کیلئے کی جانے والی کاوشوں کو سراہنا، آپ کا خلوص و محبت اور مصروفیات سے قیمتی وقت نکال کر آناہمارے لئے باعث اعزاز ہے۔ان خیالات کا اظہار کمشنرگوجرانوالہ ڈویژن سید نوید حیدر شیرازی نے وائس چیرمین ڈویژنل امن کمیٹی محمد سعید احمد صدیقی کی قیادت میں علمائےکرام کے وفد سے ملاقات کے دوران گفتگو کرتے ہوئے کیا۔

(جاری ہے)

علمائے کرام کی طرف سے پنجاب میں وزیراعلیٰ پنجاب کے پی آئیز کی رینکنگ میں پہلی پوزیشن حاصل کرنے پر کمشنر گوجرانوالہ سید نوید حیدر شیرازی کو تعریفی سووئیر پیش کیا۔ کمشنر سید نوید حیدر شیرازی نے اپنےخطاب میں کہا کہ پنجاب میں گوجرانوالہ کی اول پوزیشن بلا شبہ ٹیم ورک کا نتیجہ ہے۔امن کمیٹی اور علمائےکرام نے ہمیشہ انتظامیہ کے ہاتھ مضبوط کئے اور بہتری کیلئے مثبت اور کلیدی کردار ادا کیا ہے۔ محمد سعید احمد صدیقی وائس چیئرمین ڈویژنل امن کمیٹی گوجرانوالہ نے اس موقع پرکہا کہ کمشنر گوجرانوالہ سید نوید حیدر شیرازی کی قیادت میں کام کرنے والی انکی پوری ٹیم پنجاب کی بہترین ٹیم ہے، پنجاب میں پہلی پوزیشن پر ٹیم مبارکباد کی مستحق ہے ۔\378

متعلقہ عنوان :