تیسری نیشنل جمپ روپ اینڈ روپ سکیپنگ چیمپئن شپ 12 اپریل سے کراچی میں شروع ہو گی

جمعرات 10 اپریل 2025 17:10

اسلام آباد (اُردو پوائنٹ اخبارتازہ ترین - اے پی پی۔ 10 اپریل2025ء) پاکستان جمپ روپ اینڈ روپ سکیپنگ فیڈریشن کے زیر اہتمام تیسری نیشنل جمپ روپ اینڈ روپ سکیپنگ چیمپئن شپ 12 اپریل سے ایس ایس بی گلشن اقبال، کراچی میں شروع ہو گی۔ پاکستان جمپ روپ اینڈ روپ سکیپنگ فیڈریشن کے صدر مقبول آرائیں نے بتایا کہ چیمپئن شپ کی تیاریاں شروع کردی گئی ہیں۔

(جاری ہے)

چیمپئن شپ میں مختلف ڈیپارٹمنٹس اور صوبوں کے علاوہ آزاد جموں و کشمیر، گلگت بلتستان اور اسلام آباد کے مرد اور خواتین کھلاڑی حصہ لیں گے۔

چیمپئن شپ میں فائنل مقابلے 13 اپریل کو ہونگے جس کے اختتام پر کامیابی حاصل کرنے والے کھلاڑیوں میں ٹرافیاں ، میڈلز اور اسناد تقسیم کی جائیں گی۔ چیمپئن شپ میں اچھی کارکردگی دکھانے والےکھلاڑیوں کو قومی ٹیم میں شامل کیا جائے گا اور ان کھلاڑیوں کو مزید تربیت دے کر بین الاقوامی سطح پر ٹورنامنٹس میں بھیجا جائے گا۔