بھارت: بیٹی کی شادی سے 10 روز قبل ماں ہونیوالے داماد کیساتھ بھاگ گئی

انیتا رات کو بات کرتی تھی ہم نے سمجھا شادی کی تیاریوں سے متعلق بات چیت ہوتی ہے، شوہرشیوانی

جمعرات 10 اپریل 2025 22:31

نئی دہلی (اُردو پوائنٹ اخبارتازہ ترین - آن لائن۔ 10 اپریل2025ء)بھارت میں بیٹی کی شادی سے قبل ماں ہونے والے داماد کے ساتھ بھاگ گئی، گھر میں صفِ ماتم بچھ گئی۔بھارت کے شہر علی گڑھ میں ایک ناقابلِ یقین واقعہ پیش آیا ہے جہاں ایک ماں اپنی بیٹی کی شادی سے محض 10 دن قبل اُس کے منگیتر کے ساتھ فرار ہو گئی۔بھارتی میڈیا کی رپورٹس کے مطابق خاتون صرف بھاگی نہیں بلکہ ساتھ ہی شادی کے لیے محفوظ کی گئی 3 لاکھ روپے کی نقدی اور 5 لاکھ روپے کے زیورات بھی لے گئی۔

(جاری ہے)

متاثرہ لڑکی شیوانی کی شادی 16 اپریل کو طے تھی، تاہم اس کی والدہ انیتا اور اس کا منگیتر راہول اچانک لاپتہ ہو گئے، اس واقعے پر شیوانی کے گھر والے شدید صدمے سے دو چار ہیں۔شیوانی نے پولیس کو بتایا کہ اس کی والدہ انیتا پچھلے کچھ ماہ سے اس کے منگیتر راہول سے اکثر رات کے وقت فون پر بات کرتی تھیں، لیکن ہم نے سمجھا کہ یہ شادی کی تیاریوں سے متعلق بات چیت ہو گی۔شیوانی کے والد کا کہنا ہے کہ میں گزشتہ 20 برس سے بیوی کے رویے کو صرف بچوں کی خاطر برداشت کر رہا تھا، لیکن اس حالیہ واقعے نے مجھے توڑ کر رکھ دیا ہے۔پولیس نے انیتا اور راہول کے خلاف مقدمہ درج کر لیا ہے اور دونوں کی تلاش جاری ہے، تاہم تاحال کوئی گرفتاری عمل میں نہیں آئی ہے۔