Live Updates

پاکستان سپر لیگ 2025 کے موقع پر راولپنڈی پولیس کی جانب سے فول پروف سکیورٹی انتظامات مکمل کر لئے گئے،ترجمان

جمعرات 10 اپریل 2025 23:03

راولپنڈی (اُردو پوائنٹ اخبارتازہ ترین - اے پی پی۔ 10 اپریل2025ء) پاکستان سپر لیگ 2025 کے موقع پر راولپنڈی پولیس کی جانب سے فول پروف سکیورٹی انتظامات مکمل کر لئے گئے ہیں ۔پولیس ترجمان کے مطابق راولپنڈی پولیس کے 5000 سے زائد افسران فرائض سرانجام دیں گے، ٹریفک کی روانی کو برقرار رکھنے کے لیے ٹریفک پولیس کے 367 افسران فرائض سرانجام دیں گے۔ سی پی اوسید خالدہمدانی کا کہنا تھاکہ انتظامات کی سی سی ٹی وی مانیٹرنگ کے لیے خصوصی کنٹرول روم قائم کیا گیا ہے، سٹیڈیم کے گردونواح میں ایلیٹ فورس، ڈولفن فورس اور تھانوں کی موبائلز گشت کے فرائض سرانجام دیں گی،ٹیموں کے روٹ کی موثر سکیورٹی کے ساتھ ساتھ چھتوں پر سنائپرز تعینات کیے گئے ہیں، میچ دیکھنے کے لیے آنے والے شائقین کرکٹ کو واک تھرو گیٹ اور مکمل باڈی سرچنگ کے بعد سٹیڈیم میں داخلے کی اجازت دی جائے گی، تمام سینئر افسران فیلڈ میں موجود رہ کر ڈیوٹی پر مامور افسران کو چیک اور بریف کریں گے۔

(جاری ہے)

میچز کے دوران سکیورٹی انتظامات کے ساتھ ساتھ ٹریفک کی بلاتعطل روانی کو یقینی بنایاجائے گا،پاک فوج، رینجرز، دیگر سکیورٹی اداروں اور ضلعی انتظامیہ کے ربط سے فول پروف سکیورٹی انتظامات کویقینی بنایا جائے گا،پاکستان سپر لیگ میچز کے دوران شہریوں کو پر سہولت اور خوشگوار ماحول کی فراہمی کے لیے ہر ممکن اقدامات کیے جارہے ہیں۔
Live پی ایس ایل 10 سے متعلق تازہ ترین معلومات