مادھوری ،جوہی چاولہ نے فلمی ہیرو سے شادی نہ کرنے کی وجہ بتادی

مادھوری نے ایک ڈاکٹر جبکہ جوہی چاولہ نے بزنس مین سے شادی کی ہے

ہفتہ 12 اپریل 2025 10:35

ممبئی(اُردو پوائنٹ اخبارتازہ ترین - این این آئی۔ 12 اپریل2025ء)بھارتی فلم انڈسٹری کی دواداکارائیں مادھوری اورجوہی چاولہ نے فلمی ہیرو سے شادی نہ کرنے کی وجہ بتادی۔تفصیلات کے مطابق بھارتی فلم انڈسٹری کی دو خوبصورت اداکارائیں مادھوری اور جوہی چاولہ سے شادی کرنے کے کئی سپر اسٹارز خواہش مند تھے لیکن دونوں نے کسی فلمی ہیرو کو گھاس نہ ڈالی۔

دھک دھک ہیروئن اداکارہ مادھوری ڈکشٹ 1999میں ڈاکٹر شری رام نینے سے شادی کے بندھن میں بندھی تھیں جبکہ اس سے چار سال قبل یعنی 1995میں جوہی چاولہ صنعتکار جے مہتا سے شادی کرچکی تھیں۔کافی ود کرن میں جب فلمی دنیا سے جیون ساتھی منتخب نہ کرنے سے متعلق سوال پوچھا تو دونوں اداکارائیں مسکرا اٹھیں۔مادھوری ڈکشٹ نے کہا کہ میرے شوہر ہی میرے ہیرو ہیں، میں نے تینوں خانز کے ساتھ کام کیا لیکن ان سے شادی کے بارے میں کبھی نہیں سوچا۔

(جاری ہے)

جوہی چاولہ نے کہا کہ فلمی ہیرو بناو سنگھار کیلئے شیشے کے سامنے کھڑے رہتے تو ہم دونوں کی کبھی بن نہ پاتی۔ادکارہ نے کہا کہ اس کے برعکس جے مہتا مجھے پھول، کارڈزاور تحائف بھیجتے تھے جس نے مجھے اچھا خاصا متاثر کیا تھا اور شادی کا فیصلہ کرلیا۔دونوں اداکاراوں نے کہا کہ شوٹنگ کے دوران سارا فوکس کام پر رہا اور کبھی دل کسی کی جانب راغب نہیں ہوا۔