مقبوضہ جموں وکشمیر،سڑک حادثے میں ایک طالبہ جاں بحق ،23زخمی

ہفتہ 12 اپریل 2025 11:53

سرینگر (اُردو پوائنٹ اخبارتازہ ترین - اے پی پی۔ 12 اپریل2025ء) بھارت کے غیر قانونی زیر تسلط جموں وکشمیر کے ضلع کپواڑہ میں طالبات کی ایک بس کو حادثہ پیش آجانے کے نتیجے میں ایک طالبہ جانبحق جبکہ 23 زخمی ہو گئیں۔

(جاری ہے)

کشمیر میڈیاسروس کے مطابق بس کو حادثہ ضلع کے علاقے ہندواڑہ میں پیش آیا۔بس ڈرائیور کے قابو سے باہر ہوکر سڑک پر الٹ گئی۔میڈیکل سپرنٹنڈنٹ ڈی ایچ ہندواڑہ ڈاکٹر اعجاز احمد بٹ نے تصدیق کرتے ہوئے کہا کہ ایک لڑکی کو ہسپتال میں مردہ حالت میں لایاگیا۔ زخمیوں میں سے دو کی حالت نازک ہے جنہیں جدید علاج کے لیے سری نگر کے ایک ہسپتال میں منتقل کردیا گیا ہے۔