پ*گندم کی پیداوار: کیا کسانوں کو اس بار اچھی قیمت مل سکے گی رپورٹ

اتوار 13 اپریل 2025 19:45

^جڑانوالہ (اُردو پوائنٹ اخبارتازہ ترین - آن لائن۔ 13 اپریل2025ء) پاکستان گندم کی پیداوار کے حوالے سے دنیا کا آٹھواں بڑا ملک ہے، گزشتہ 20 سال میں گندم کی پیداوار میں نمایاں بہتری آئی ہے، تاہم گزشتہ سال اس کی قیمت کے حوالے سے کاشتکاروں کو کافی تحفظات تھے۔گزشتہ و رواں سال پاکستان میں گندم کی فصل کے موازنے کے حوالے سے مرتب کردہ رپورٹ کے مطابق گندم کی پیداوار کے حوالے سے پاکستان دنیا کا آٹھواں بڑا ملک ہے، ملک میں گندم کی کُل کھپت 3 کروڑ 20 لاکھ ٹن ہے۔

ملک کے سب سے بڑے صوبے پنجاب کا گندم کی مجموعی پیداوار میں 70 فیصد حصہ ہے جبکہ اس کی اوسط پیداوار ڈھائی سے پونے تین کروڑ کے درمیان رہتی ہے، ملک میں گندم کی باقی کمی درآمدات سے پوری کی جاتی ہے۔رپورٹ کے مطابق گزشتہ سال پنجاب میں ایک کروڑ 70 لاکھ ایکڑ رقبے پر گندم کی کاشت کا ہدف مقرر کیا گیا تھا جو تقریباً سو فیصد پورا ہوا۔

(جاری ہے)

رواں سال کیلیے صوبہ پنجاب میں ایک کروڑ 65 لاکھ ایکڑ رقبے گندم کی کاشت کا ہدف مقرر کیا گیا تاہم سرکاری اعداد و شمار کے مطابق یہ ہدف ایک کروڑ 20 لاکھ ایکڑ کی حد تک پورا ہوا۔

تاہم دوسری جانب دیگر ذرائع یہ دعویٰ کررہے ہیں کہ یہ ہدف 50 فیصد بھی پورا نہیں ہوسکا۔اس کے علاوہ گزشتہ سال گندم کی امدادی قیمت 2200 سے بڑھا کر 3900 کی گئی تھی تاہم درآمدی اسکینڈل کے باعث حکومت پنجاب کو گندم کی سرکاری خریداری روکنا پڑی تھی۔رپورٹ کے مطابق گزشتہ سال پنجاب سمیت ملک بھر میں گندم کی ریکارڈ پیداوار ہوئی تھی تاہم اس وقت کی نگراں حکومت نے نجی شعبے کو 35 لاکھ ٹن 87ہزار ٹن گندم درآمد کرنے کی اجازت دی، یہ اجازت اس وقت دی گئی تھی جب نئی فصل پک کر تیار ہوچکی تھی، اور ملک بھر کے گوداموں میں 23 لاکھ ٹن گندم کا ذخیرہ موجود تھا۔

اس سال حکومت پنجاب نے یہ بیان جاری کیا ہے کہ ہم نے امدادی قیمت مقرر کرنے اور اس کی سرکاری خریداری کے بجائے اوپن مارکیٹ ریٹ پالیسی اپنائی ہے۔اس حوالے سے پرائس کنٹرول کمیٹی میں حکومت پنجاب کی معاون خصوصی سلمیٰ بٹ نے گزشتہ روز ایک نجی چینل کو دیے گئے ایک انٹرویو میں بتایا کہ حکومت نے فیصلہ کیا ہے کہ اس بار ہم نے گندم کی قیمت مقرر نہیں کرنی اور یہ ہی قیمتوں کا تعین کرنا ہے یعنی اس کی قیمت کو ڈی ریگولرائزڈ کیا جارہا ہے