چین کا ٹرمپ کی ٹیرف پالیسی پر طنز، سوشل میڈیا پرمیمز وائرل

اے آئی سے بنی ویڈیوزمیں امریکیوں کو فیکٹریوں میں مشقت کرتے دکھایا گیا

پیر 14 اپریل 2025 17:11

چین کا ٹرمپ کی ٹیرف پالیسی پر طنز، سوشل میڈیا پرمیمز وائرل

بیجنگ(اُردو پوائنٹ اخبارتازہ ترین - این این آئی۔ 14 اپریل2025ء)امریکی صدر ڈونلڈ ٹرمپ کی چینی درآمدات پر عائد کردہ بھاری ٹیرف کا مذاق اڑانے کے لیے سوشل میڈیا پر اے آئی سے بنی ویڈیوز اور میمز وائرل ہوگئیں۔میڈیارپورٹس کے مطابق ان ویڈیوز میں امریکیوں کو مختلف فیکٹریوں میں کام کرتے دکھایا گیا ہے جو ٹرمپ کی ری انڈسٹریلائزیشن پالیسی کا مذاق اڑاتی ہیں۔

(جاری ہے)

ایک ویڈیو میں ڈونلڈ ٹرمپ، نائب صدر جی ڈی وینس اور ایلون مسک نائیکی جوتے بنانے والی پروڈکشن لائن پر کام کرتے نظر آرہے ہیں۔جبکہ ایک اور ویڈیو میں فاسٹ فوڈ کے دلدادہ فربہ جسامت والے امریکیوں کو مختلف فیکٹریوں میں کام کرتے ہوئے دکھایا گیا ہے جہاں بننے والی مصنوعات پر میڈ ان امریکا تحریر ہے جو ایک طنز کا مظہر تھا۔یہ ویڈیوز چینی سوشل میڈیا پر تیزی سے وائرل ہوئی ہیں اور چینی حکومتی ذرائع نے انہیں دوبارہ شیئر کیا ہے۔