بلاول بھٹو زرداری کی قیادت پر مکمل اعتماد کا اظہار کرتے ہیں،راجہ شبیر احمد

پیر 14 اپریل 2025 17:15

لندن (اُردو پوائنٹ اخبارتازہ ترین - این این آئی۔ 14 اپریل2025ء)پاکستان پیپلزپارٹی برطانیہ کے رہنما راجہ شبیر احمد نے پاکستان پیپلز پارٹی کے انٹرا پارٹی انتخابات میں کامیاب امیدواروں کو مبارکباد دی ہے اپنے جاری کردہ تہنیتی پیغام میں انھوں نے کہا کہ چیئرمین بلاول بھٹو زرداری پر پارٹی نے ایک مرتبہ پھر بھرپور اعتماد کا اظہار کیا ہے،پارٹی آئین کے تحت انتخابات پارٹی کے اندر جمہوریت کی مضبوطی اور ادارہ جاتی استحکام کی عکاسی ہے،بلاول بھٹو زرداری کی قیادت پر مکمل اعتماد کا اظہار کرتے ہیں،بلاول بھٹو زرداری کی ولولہ انگیز قیادت پارٹی کو مستقبل میں مزید کامیابیوں کی راہ پر گامزن کرے گی،بلاول بھٹو زرداری کی ولولہ انگیز قیادت میں پیپلز پارٹی چاروں صوبوں اور جموں وکشمیر گلگت بلتستان میں مقبول ترین جماعت ہے،بلاول بھٹو زرداری نے ملک کے اندرونی معاملات اور عالمی سطح پر اپنی اور پارٹی کی پالیسی کو مدنظر رکھتے ہوئے اپنی صلاحیتوں کو منوایا، پارٹی چیئرمین اور ملک کے وفاقی وزیر خارجہ کی حیثیت سے بلاول بھٹو زرداری کی صلاحیتوں سے ناقدین بھی خوش ہیں،بلاول بھٹو زرداری کی قیادت میں پیپلز پارٹی اسی طرح عوام کے مسائل اور پاکستان کی فلاح وبہبود کیلے کام کرتی رہے گی،ہمایوں خان کو سیکرٹری جنرل ندیم افضل گوندل (چن) کو سیکرٹری اطلاعات اورآمنہ پراچہ کو سیکرٹری فنانس منتخب ہونے پر بھی مبارکباد دیتا ہوں۔