آئی پی ایل ، پنجاب کنگز اور کولکتہ نائٹ رائیڈرز کی ٹیموں کے درمیان 31واں میچ کل کھیلا جائے گا

پیر 14 اپریل 2025 22:05

چندی گڑھ(اُردو پوائنٹ اخبارتازہ ترین - آن لائن۔ 14 اپریل2025ء) بورڈ آف کنٹرول برائے کرکٹ ان انڈیا (بی سی سی آئی)کے زیراہتمام انڈین پریمیئر لیگ (آئی پی ایل(کا 18واں ایڈیشن بھارت میں جاری ہے جس میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں،لیگ میںآج (منگل کو)مزید ایک میچ کھیلا جائے گا ۔لیگ کا31واں میچ دفاعی چیمپئن کولکتہ نائٹ رائیڈرز اور پنجاب کنگز کی ٹیموں کے درمیان مہاراجہ یادوندرا سنگھ انٹرنیشنل کرکٹ سٹیڈیم، ملاں پور، چندی گڑھ میں کھیلا جائے گا ۔

دفاعی چیمپئن کولکتہ نائٹ رائیڈرز کی ٹیم کو مایہ ناز بلے باز انجکیا رہانے جبکہ پنجاب کنگز کو مایہ ناز بلے باز شریاس آئیر لیڈ کریں گے ۔ لیگ کے 18ویں ایڈیشن میں شامل 10 ٹیموں کیدرمیان فائنل سمیت مجموعی طور پر74میچ کھیلے جائیں گے جو بھارت کے مختلف مقامات پر ہوں گے ،ان میں احمد آباد،بنگلورو ،چنائی ،نئی دہلی،دھرم شالہ ،وشاکاپٹنم ،گوہاٹی،حیدرآباد،جے پور،کولکتہ،لکھنو،موہالی ، ممبئی اور ملاں پور شامل ہیں۔

(جاری ہے)

آئی پی ایل کے 16 ویں ایڈیشن میں گوہاٹی سٹیڈیم نے اپنا آئی پی ایل ڈیبیو کیا تھا ۔لیگ میں کولکتہ نائٹ رائیڈرز کی ٹیم ٹائٹل کا دفاع کے لئے ایکشن میں ہوگی ۔لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد اور لکھن سپر جائنٹس شامل ہیں۔

واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔