اگر شعیب ملک کھیل رہے ہیں تو معین خان اور ویوین رچرڈز کو بھی کھیلنا چاہیے، باسط علی کا آل رائونڈر پر طنز

سپن وکٹ ہو تو ان کا کھیلنا بنتا ہے، ان کا نمبر 4 پر آنے کا کوئی فائدہ نہیں کیوں کہ وہ بڑی ہٹ نہیں مار سکتے: سابق کرکٹر کا انٹرویو

ذیشان مہتاب منگل 15 اپریل 2025 12:36

اگر شعیب ملک کھیل رہے ہیں تو معین خان اور ویوین رچرڈز کو بھی کھیلنا ..

کراچی (اردو پوائنٹ تازہ ترین اخبار ۔ 15 اپریل 2025ء) سابق کرکٹر باسط علی کا کہنا ہے کہ اگر شعیب ملک کوئٹہ گلیڈی ایٹرز سے کھیل رہے ہیں تو پھر معین خان اور ویوین رچرڈز کو بھی کھیلنا چاہیے۔

ایک پروگرام میں گفتگو کرتے ہوئے 54 سالہ سابق ٹیسٹ کرکٹر باسط علی نے کہا کہ کوئٹہ کے کپتان سعود شکیل ہیں وہ میرے ساتھ رہ چکے ہیں جب انہیں کوئی بات غلط لگتی تو وہ بحث کرتے ہیں، شعیب ملک نے 15 گیندوں میں 14 رنز بنائے اور کوئی باؤنڈری نہیں لگائی۔

(جاری ہے)

انہوں نے کہا کہ شعیب ملک بہت بڑے پرفارمر ہیں اس میں کوئی شک نہیں یا تو اسپن وکٹ ہو تو ان کا کھیلنا بنتا ہے، ان کا نمبر 4 پر آنے کا کوئی فائدہ نہیں کیوں کہ وہ بڑی ہٹ نہیں مار سکتے۔

باسط علی نے کہا کہ آپ 219 رنز کا تعاقب کررہے ہیں تو بڑی ہٹ لگانی ہے، خواجہ نافع بیٹھے ہیں تو شعیب ملک کو نہیں کھیلنا چاہیے تھا، اگر وہ کھیل رہے ہیں تو پھر معین خان اور ویوین رچرڈز کو بھی کھیلنا چاہیے۔

سابق ٹیسٹ کرکٹر نے کہا کہ پھر سرفراز احمد کیوں نہیں کھیل رہے تو وہ ان سے زیادہ اچھے ہیں، میں جس سعود شکیل کو جانتا ہوں میرا نہیں خیال کے وہ اگلا میچ کھیلیں گے۔