پنجاب کو معاشی اور اقتصادی سرگرمیوں کا مرکز بنادیا ہے‘چوہدری شافع حسین

راولپنڈی (اُردو پوائنٹ اخبارتازہ ترین - آن لائن۔ 15 اپریل2025ء) صوبائی وزیر صنعت و تجارت چوہدری شافع حسین نے کہا ہے کہ پنجاب کو معاشی اور اقتصادی سرگرمیوں کا مرکز بنادیا ہے ملکی اور غیر ملکی سرمایہ کار پنجاب کو سرمایہ کاری کیلئے ترجیح دے رہے ہیں‘کاروبار کیلئے سازگار ماحول کے باعث پنجاب میں اربوں ڈالر کی نئی غیر ملکی سرمایہ کاری آرہی ہے سپیشل اکنامک زونز میں سرمایہ کاری پر خصوصی مراعات دی جارہی ہیں پنجاب میں سرمایہ کاری کا بہترین وقت اور موقع موجود ہے غیر ملکی سرمایہ کار پنجاب میں سرمایہ کاری کے مواقع سے فائدہ اٹھائیں ان خیالات کا اظہار انہوں نے گزشتہ روز پاکستانی نژاد برطانیہ اور اٹلی کے سرمایہ کاروں کے وفود سے ملاقات میں کیا ان ملاقاتوں میں پنجاب کے مختلف شعبوں میں سرمایہ کاری کے مواقع پر بات چیت ہوئی صوبائی وزیر نے غیر ملکی سرمایہ کاروں کو پنجاب کے سپیشل اکنامک زونز میں سرمایہ کاری کی دعوت دی صوبائی وزیر نے کہا ہے کہ پنجاب کو معاشی اور اقتصادی سرگرمیوں کا مرکز بنادیا ہے اس لئے ملکی اور غیر ملکی سرمایہ کار پنجاب کو سرمایہ کاری کیلئے ترجیح دے رہے ہیں۔

(جاری ہے)

پنجاب کے صنعتی مراکز میں تیزی سے نئی انڈسٹری لگ رہی ہے انہوں نے کہاکہ قائد اعظم بزنس پارک شیخوپورہ میں بننے والے گارمنٹ سٹی میں ٹیکسٹائل سیکٹر سے وابستہ چین سمیت دیگر غیر ملکی سرمایہ کار کمپنیاں سرمایہ کاری کر رہی ہیں مقامی سرمایہ کار بھی گارمنٹ سٹی میں ٹیکسٹائل کے کارخانے لگا رہے ہیں صوبائی وزیر نے کہاکہ پنجاب کے سپیشل اکنامک زونز میں سرمایہ کاری پر خصوصی مراعات دی جارہی ہیں۔

یہاں سرمایہ کاری پر 10سال تک انکم ٹیکس کی چھوٹ اور ایک مرتبہ ڈیوٹی فری مشینری درآمد کی سہولت بھی موجود ہے بزنس فسیلیٹیشن سینٹرز سرمایہ کاروں کو ایک چھت تلے سہولیات فراہم کر رہے ہیں انہوں نے نے کہاکہ پنجاب میں سرمایہ کاری کا بہترین وقت اور موقع موجود ہے غیر ملکی سرمایہ کار پنجاب میں سرمایہ کاری کے مواقع سے فائدہ اٹھائیں انہوں نے بتایا کہ مرحلہ وار پروگرام کے تحت انڈسٹریل اسٹیٹس کو سولر انرجی پر منتقل کیا جارہاہے سولر انرجی پر منتقلی سے پیدا واری لاگت میں کمی آئے گی انڈسٹریل اسٹیٹس میں صنعتی انفراسٹرکچر کو بھی بہتر بنایا جا رہا ہے۔

کاروبار کیلئے سازگار ماحول کے باعث پنجاب میں اربوں ڈالر کی نئی غیر ملکی سرمایہ کاری آرہی ہے سرمایہ کاروں نے پنجاب میں سرمایہ کاری کیلئے سازگار ماحول کی فراہمی کی حکومتی کاوشوں کو سراہا۔پاکستانی نژاد غیر ملکی سرمایہ کاروں نے پنجاب میں سرمایہ کاری پر آمادگی ظاہر کی۔