گ*برطانیہ‘ مسلمانوں کی قبروں کی بیحرمتی، متعدد کے کتبے توڑ دیے گئے، تحقیقات شروع

منگل 15 اپریل 2025 20:30

W لندن(اُردو پوائنٹ اخبارتازہ ترین - آن لائن۔ 15 اپریل2025ء)برطانیہ میں ہرٹفورڈ شائر پولیس نے کار پینڈرز پارک کے قبرستان میں قبروں کی بے حرمتی کے واقعے کی تحقیقات شروع کردی ہے۔ قبرستان میں مسلمانوں کی قبروں والے حصے میں 85 قبروں کے کتبے توڑے گئے۔

(جاری ہے)

پولیس نے علاقے کے لوگوں سے اپیل کی ہے کہ جس کو بھی اس بارے میں معلومات ہوں وہ پولیس سے رابطہ کرے۔ برینٹ کونسل کے لیڈر محمد بٹ نے ایک بیان میں کہا ہے کہ مسلمانوں کی قبروں کو جان بوجھ کر نشانہ بنایا گیا ہے۔ کتبے توڑنے کا واقعہ اسلاموفوبیا پر مبنی نفرت انگیز جرم معلوم ہوتا ہے۔انہوں نے کہا کہ پولیس تحقیقات مکمل ہونے کے بعد تمام کتبے دوبارہ لگائے جائیں گے۔