سعودی سٹینڈرڈز نے 21 کمپنیوں کی گاڑیوں کی مملکت درآمد پر پابندی عائد کر دی

بدھ 16 اپریل 2025 11:52

ریاض(اُردو پوائنٹ اخبارتازہ ترین - این این آئی۔ 16 اپریل2025ء)سعودی سٹینڈرڈز اینڈ کوالٹی آرگنائزیشن نے 21 کمپنیوں کی گاڑیوں کی مملکت میں امپورٹ پر عارضی طور پر پابندی عائد کر دی ہے۔سعوی اخبار کے مطابق پابندی عائد کی جانے والی گاڑیاں سعودی عرب کے لیے مخصوص معیار پر پورا نہیں اترتیں جس کی وجہ سے ان کی درآمد پر عارضی پابندی عائد کی گئی ہے۔

(جاری ہے)

اس حوالے سے پورٹ اتھارٹی کا کہنا تھا کہ سٹینڈرڈز اینڈ کوالٹی آرگنائزیشن کی جانب پورٹ اتھارٹی کو تحریری طور پر مطلع کیا گیا کہ جن کمپنیوں کی گاڑیوں پرعارضی پابندی عائد کی گئی ہے ان میں جو نقص پایا گیا ہے وہ سعودی فیول اسٹینڈرز کے مطابق نہیں ہے۔کوالٹی آرگنائزیشن کی جانب سے مزید کہا گیا ہے کہ 21 کمپنیوں کی کم وزن کی گاڑیاں جو 3.5 ٹن تک ہیں ان پر پابندی عائد کی گئی ہے۔