غزہ کی تباہی بند کرو، فرانسیسی صدر کا نیتن یاہو کو دو ٹوک پیغام

جنگ بندی ہی باقی اسرائیلی قیدیوں کی رہائی کا راستہ ہے،ٹوئٹر پر پیغام

بدھ 16 اپریل 2025 16:24

پیرس(اُردو پوائنٹ اخبارتازہ ترین - این این آئی۔ 16 اپریل2025ء)فرانسیسی صدر ایمانوئل میکرون نے اسرائیلی وزیراعظم بنیامین نیتن یاہو سے ٹیلیفونک گفتگو میں کہا ہے کہ غزہ کے شہریوں کی مشکلات ختم ہونی چاہییں اور صرف جنگ بندی ہی باقی اسرائیلی قیدیوں کی رہائی کا راستہ ہے۔

(جاری ہے)

میڈیارپورٹس کے مطابق میکرون نے سوشل میڈیا پلیٹ فارم ایکس (سابقہ ٹوئٹر) پر کہا: غزہ کی عام آبادی جس کرب سے گزر رہی ہے، اسے اب ختم ہونا چاہیے۔ انہوں نے تمام انسانی امدادی راستے کھولنے کا بھی مطالبہ کیا۔