Live Updates

پاکستان سپر لیگ کے دسویں ایڈیشن میں ایک دن آرام کے بعد 18 اپریل کو مزید ایک میچ کا فیصلہ ہوگا

بدھ 16 اپریل 2025 18:06

اسلام آبا د(اُردو پوائنٹ اخبارتازہ ترین - این این آئی۔ 16 اپریل2025ء)پاکستان سپر لیگ 10 میں (کل)جمعرات کو ایک دن آرام کے بعد 18 اپریل کو مزید ایک میچ کھیلا جائے گا،یہ میچ کراچی کنگز اور کوئٹہ گلیڈی ایٹرز کی ٹیموں کے درمیان کھیلا جائے گا۔ 18 اپریل بروز جمعہ کو لیگ کے آٹھویں میچ میں کراچی کنگز اور کوئٹہ گلیڈی ایٹرز کی ٹیمیں نیشنل سٹیڈیم، کراچی میں مدمقابل ہوں گی۔

میچ رات 8 بجے شروع ہو گا اور فلڈ لائٹس کی روشنی میں کھیلا جائے گا۔

(جاری ہے)

کوئٹہ گلیڈی ایٹرز کو سعود شکیل لیڈ کریں گے۔ اس ٹیم مارک چیپمین، محمد عامر، رائیلی روسو، کائل جیمیسن، کوسال مینڈس، عقیل حسین، شعیب ملک، فہیم اشرف اور ابرار احمد جیسے بہترین کھلاڑی شامل ہیں۔کراچی کنگز کو آسٹریلیا کے مایہ ناز بلے باز ڈیوڈ وارنر لیڈ کر رہے ہیں اور دیگر نمایاں کھلاڑیوں میں جیمز وینس،ٹم سیفرٹ ،بین میک ڈرموٹ،ایڈم ملن،حسن علی،محمد نبی،خوشدل شاہ اور شان مسعود شامل ہیں۔ ٹورنامنٹ کا فائنل 18 مئی کو قذافی سٹیڈیم، لاہور میں کھیلا جائے گا۔