Live Updates

بابراعظم کے ذکر پرعمراکمل بھڑک اٹھے! ویڈیو وائرل

بابر کو ٹیم سے باہر دیکھنے کے خواہشمند مہمان کو آڑے ہاتھوں لیتے ہوئے سابق قومی کپتان کا بھرپوردفاع کیا

جمعرات 17 اپریل 2025 13:24

بابراعظم کے ذکر پرعمراکمل بھڑک اٹھے! ویڈیو وائرل

لاہور(اُردو پوائنٹ اخبارتازہ ترین - این این آئی۔ 17 اپریل2025ء)سوشل میڈیا پر ایک پوڈکاسٹ کی ویڈیو تیزی سے وائرل ہو رہی ہے جس میں بابر اعظم کا نام آتے ہی عمر اکمل تیزی سے بھڑک جاتے ہیں۔یہ ویڈیو پی ایس ایل 10 میں اسلام آباد یونائیٹڈ اور پشاور زلمی کے میچ کے دوران احمد علی بٹ کے پوڈکاسٹ کی ہے جس میں پاکستانی کرکٹر عمر اکمل بھی موجود تھے۔اس موقع پر میزبان احمد علی بٹ نے سوال کیا کہ کس ایک کھلاڑی کو پاکستان ٹیم میں نہیں ہونا چاہیی ایک مہمان نے فوری طور پر بابر اعظم کا نام لیا۔

(جاری ہے)

اس سوال کے جواب میں بابر اعظم کا نام آتے ہی عمر اکمل بھڑک اٹھے اور بابر کو ٹیم سے باہر دیکھنے کے خواہشمند مہمان کو آڑے ہاتھوں لیتے ہوئے سابق قومی کپتان کا بھرپور دفاع کیا۔عمر اکمل نے کہا کہ آپ کو تو پورا لاہور نہیں جانتا اور آپ اس شخص کے بارے میں یہاں بیٹھ کر ایسی بات کر رہے ہیں، جس کو پوری دنیا جانتی ہے۔انہوں نے کہا کہ بابر اعظم پانچ سال تک پاکستان ٹیم کا کپتان رہا ہے۔ اب اس پر تھوڑا مشکل وقت آیا ہے اور اس کا بلا رنز نہیں بنا رہا ہے تو آپ یہ بات کر رہے ہیں۔ آپ ایسا نہیں کہہ سکتے۔