Live Updates

اب بھی خود کو مکمل فٹ محسوس نہیں کر رہا، فخرزمان

خوش قسمت رہا، جو ایک چانس ملا۔ جیت کا کریڈٹ ڈیرل مچل اور بولرز کو جاتا ہے‘گفتگو

جمعرات 17 اپریل 2025 14:42

اب بھی خود کو مکمل فٹ محسوس نہیں کر رہا، فخرزمان

لاہور(اُردو پوائنٹ اخبارتازہ ترین - این این آئی۔ 17 اپریل2025ء)پاکستان سپر لیگ 10 میں لگاتار دوسرا پلیئر آف دی میچ ایوارڈ جیتنے والے فخر زمان کا کہنا ہے کہ وہ اب بھی خود کو مکمل فٹ محسوس نہیں کر رہے۔پاکستان کے جارح مزاج اسٹار اوپنر فخر زمان جو انجری کے بعد پی ایس ایل 10 میں حسب سابق لاہور قلندرز کی نمائندگی کر رہے ہیں اور اپنے ٹیم کو مسلسل دو میچز جتوانے کے ساتھ دونوں میچز کے بہترین کھلاڑی بھی قرار پائے ہیں۔

تاہم بہترین کھیل کا مظاہرہ کرنے والے فخر زمان ابھی خود کو مکمل فٹ محسوس نہیں کرتے اور اس کا اظہار اوپنر نے خود کیا۔

(جاری ہے)

کراچی کنگز کے خلاف میچ میں بہترین کھلاڑی کا اعزاز پانے کے بعد فخر زمان نے گفتگو کرتے ہوئے کہا کہ وہ اب بھی خود کو مکمل فٹ محسوس نہیں کر رہے۔ انجری کے بعد واپس آنا بہت مشکل ہوتا ہے۔ان کا کہنا تھا کہ خوش قسمت رہا، جو ایک چانس ملا۔

جیت کا کریڈٹ ڈیرل مچل اور بولرز کو جاتا ہے۔لاہور قلندر نے پی ایس ایل 10 میں دفاعی چیمپئن اسلام آباد یونائیٹڈ سے شکست کے بعد شاندار کم بیک کرتے ہوئے اپنے اگلے دونوں میچز جیتے۔کوئٹہ گلیڈیئٹرز کے خلاف فخر زمان نے 39 گیندوں پر 67 اور کراچی کنگز کے خلاف 47 گیندوں پر 76 رنز کی وننگ اننگز کھیلیں اور میچ کے بہترین کھلاڑی قرار پائے۔