وادی منی، عرفات اور مزدلفہ میں حجاج کے بیٹھنے کیلئے آرام گاہ بنانے کا فیصلہ

مکہ مکرمہ کے نائب گورنر شہزادہ سعود بن مشعل کو حج کی تیاری کے حوالے سے بریفنگ دی گئی

جمعرات 17 اپریل 2025 15:07

مکہ مکرمہ (اُردو پوائنٹ اخبارتازہ ترین - این این آئی۔ 17 اپریل2025ء)وادی منی، عرفات اور مزدلفہ میں حجاج کے بیٹھنے کیلئے مختلف فاصلوں پر آرام گاہ بنائے جانے کا فیصلہ کیا گیا ہے۔مکہ مکرمہ کے نائب گورنر شہزادہ سعود بن مشعل کو حج کی تیاری کے حوالے سے بریفنگ دی گئی۔

(جاری ہے)

عرب ٹی وی کے مطابق دوران بریفنگ نائب گورنر مکہ مکرمہ شہزادہ سعود بن مشعل نے بتایا کہ وادی منی میں پیدل چلنے والوں کے لیے 50 ہزار میٹرمربع راستے کو سایہ دار بنایاجا رہاہے۔مزید برآں جبل الرحمہ میں 60 ہزار مربع میٹر پر شیڈز اور پانی کے پھوار والے پنکھوں کی تنصیب جاری ہے۔