انڈین پریمیئر لیگ میں ہفتہ کو مزید دو میچوں کو فیصلہ ہوگا

جمعہ 18 اپریل 2025 08:50

نئی دہلی (اُردو پوائنٹ اخبارتازہ ترین - اے پی پی۔ 18 اپریل2025ء) بورڈ آف کنٹرول برائے کرکٹ ان انڈیا (بی سی سی آئی ) کے زیراہتمام انڈین پریمیئر لیگ (آئی پی ایل) کا 18واں ایڈیشن بھارت میں جاری ہے جس میں شائقین کرکٹ کو انہتائی دلچسپ اور کانٹے دار مقابلے دیکھنے کو مل رہے ہیں۔ انڈین پریمیئر لیگ میں کل (ہفتہ کو)مزید دو میچ کھیلے جائیں گے ۔ پہلے میچ میں گجرات ٹائٹنز اور دہلی کیپٹلز کی ٹیمیں نریندر مودی سٹیڈیم، احمد آباد کے مقام پر آمنے سامنے ہوں گی ۔

گجرات ٹائٹنز کو مایہ ناز بلے باز شبمن گل لیڈ کریں گے جبکہ دہلی کیپٹلز کو اکشر پیٹل لیڈ کریں گے ۔دوسرا میچ لکھنؤ سپر جائنٹس اور راجستھان رائلز کی ٹیمیں پنجہ آزما ہوں گی اور یہ میچ سوائی مان سنگھ سٹیڈیم، جے پور میں کھیلا جائے گا۔

(جاری ہے)

لکھنؤ سپر جائنٹس کو رجت پاٹیدار لیڈ کریں گے جبکہ رجستھان رائلز کو سنجو سیمسن لیڈ کریں گے۔ لیگ کے 18ویں ایڈیشن میں شامل 10 ٹیموں کےدرمیان فائنل سمیت مجموعی طور پر74میچ کھیلے جائیں گے جو بھارت کے مختلف مقامات پر ہوں گے ،ان میں احمد آباد،بنگلورو ،چنائی ،نئی دہلی،دھرم شالہ ،وشاکاپٹنم ،گوہاٹی،حیدرآباد،جے پور،کولکتہ،لکھنو،موہالی ، ممبئی اور ملاں پور شامل ہیں۔

لیگ میں کولکتہ نائٹ رائیڈرز کی ٹیم ٹائٹل کا دفاع کے لئے ایکشن میں ہوگی ۔ لیگ میں شامل 10 ٹیموں میں دفاعی چیمپئن کولکتہ نائٹ رائیڈرز کے علاوہ دیگر ٹیموں میں چنائی سپر کنگز،گجرات ٹائٹنز ،ممبئی انڈینز، دہلی کیپٹلز، پنجاب کنگز، راجستھان رائلز، رائل چیلنجرز بنگلور ، سن رائزرز حیدر آباد ،اور لکھنؤ سپر جائنٹس شامل ہیں۔واضح رہے کہ چنائی سپر کنگز اور ممبئی انڈینز کو سب سے زیادہ پانچ پانچ بار آئی پی ایل کا ٹائٹل جیتنے کا اعزاز حاصل ہے ، کولکتہ نائٹ رائیڈرز نے تین جبکہ راجستھان رائلز، سن رائزرز حیدر آباد ، دکن چارجرز اور گجرات ٹائٹنز نے ایک ایک بار چیمپئن ہونے کا اعزاز حاصل کیا ۔آئی پی ایل کا فائنل میچ بھی کولکتہ میں 25 مئی کو شیڈول ہے۔\932