پولیس وردی کی تضیحک کرنے پر ٹک ٹاکر کاشف ضمیر کیخلاف مقدمہ درج

پولیس نے ٹک ٹاکر اور پولیس اہلکار کیخلاف دو مقدمات درج کرتے ہوئے بدنامی کا باعث بننے والے پولیس اہلکار کو حراست میں لے لیا ہے جبکہ ملزم کاشف ضمیر کی گرفتاری کیلئے چھاپے مارے جا رہے ہیں

فیصل علوی جمعہ 18 اپریل 2025 10:44

لاہور(اردوپوائنٹ اخبار تازہ ترین۔18اپریل 2025)پولیس وردی کی تضیحک کرنے پر ٹک ٹاکر کاشف ضمیر کیخلاف مقدمہ درج کرلیا گیا، پولیس نے دونوں ملزمان کیخلاف ایف آئی آر درج کر کے بدنامی کا باعث بننے والے پولیس اہلکار کو حراست میں لے لیا ہے جبکہ ملزم کاشف ضمیر کی گرفتاری کیلئے چھاپے مارے جا رہے ہیں،پولیس کی جانب سے ٹک ٹاکر کاشف ضمیر اور پولیس اہلکار کے خلاف 2 مقدمات درج کئے گئے ہیں،مقدمات میں پیکا ایکٹ سمیت دیگر سنگین دفعات شامل کی گئیں،تفصیلات کے مطابق کاشف ضمیر کیخلاف درج کی ایف آئی آر کے مطابق ایف آئی آر کے مطابق کاشف ضمیر نے پولیس کی وردی پہنے اہلکار کے ہمراہ سوشل میڈیا پر ویڈیوز اور تصاویر شیئر کیں جن میں قانون نافذ کرنے والے ادارے کی ساکھ مجروح کرنے والی حرکات کی گئیں تھیں۔

(جاری ہے)

ایف آئی آر میں مزید کہا گیا ہے کہ اس طرح کی حرکتیں عوام میں پولیس کے وقار اور اعتماد کو ٹھیس پہنچاتی ہیں، جو قانوناً ناقابل قبول اور قابل سزا جرم ہے۔پولیس حکام کا کہنا ہے کہ سوشل میڈیا پر وائرل ہونے والی ویڈیوز میں دیکھا جا سکتا ہے کہ ٹک ٹاکر نے پولیس کا مذاق اڑایا بلکہ قانون کی بالادستی کو چیلنج کرنے کی کوشش بھی کی۔پولیس حکام کا مزید کہنا ہے کہ اس معاملے کی مکمل تفتیش کی جا رہی ہے اور ملوث افراد کے خلاف قانون کے مطابق سخت کارروائی عمل میں لائی جائے گی۔

پولیس کا مزید یہ بھی کہنا تھا کہ ملزم نے کارروائی سے بچنے کیلئے آرٹیفیشل انٹلیجنس کی مدد سے دوسری ویڈیو بنائی جس میں پولیس اہلکار کے کپڑوں کا رنگ تبدیل کر دیاگیا تھا۔پولیس حکام کے مطابق سوشل میڈیا پر وائرل ہونے والی ویڈیوز میں دیکھا جا سکتا ہے کہ ٹک ٹاکر نے پولیس کا مذاق اڑایا بلکہ قانون کی بالادستی کو چیلنج کرنے کی کوشش بھی کی۔اس واقعے کے بعد فوری کارروائی عمل میں لائی گئی، پولیس نے نہ صرف کاشف ضمیر بلکہ پولیس اہلکار کے خلاف بھی مقدمہ درج کرلیا ہے۔یاد رہے کہ اس سے قبل سوشل میڈیا پر ایک ویڈیو وائرل ہوئی تھی جس میں ایک شادی کی تقریب میں ٹک ٹاکر کاشف ضمیر پیسے لوٹا رہاتھا جبکہ تقریب میں پولیس اہلکار کو نوٹوں سے بھری تھال تھمائی گئی تھی۔