امید ایک ایسا جذبہ ہے جو ہمیں آگے بڑھنے کی طاقت دیتا ہے‘مریم نواز

مسلم لیگ (ن)کی جماعت عوام کی امید بن چکی ہے،پاکستانی قوم کی امیدوں پر پورا اترنے کے لئے دن رات کوشش کررہے ہیں

ہفتہ 12 جولائی 2025 21:48

امید ایک ایسا جذبہ ہے جو ہمیں آگے بڑھنے کی طاقت دیتا ہے‘مریم نواز

لاہور(اُردو پوائنٹ اخبارتازہ ترین - این این آئی۔ 12 جولائی2025ء)وزیراعلی پنجاب مریم نواز شریف نے امید کے عالمی دن پر امید افزاء پیغام میں کہا کہ ہمت وحوصلہ کریں توامید کی روشنی یقین کا تمتاتا سورج بن جاتی ہے۔ امید ایک ایسا جذبہ ہے جو ہمیں آگے بڑھنے کی طاقت دیتا ہے۔ یہ دن ہمیں یاد دلاتا ہے کہ مشکلات اور چیلنجز کے باوجود امید کا دامن کبھی نہیں چھوڑنا چاہیے۔

امید ہے کہ انشاء اللہ فلسطین اور کشمیر کے عوام پر جلد آزادی کا سورج طلوع ہوگا۔ وزیراعلی مریم نواز شریف نے کہاکہ مسلم لیگ (ن)کی جماعت عوام کی امید بن چکی ہے۔

(جاری ہے)

پاکستانی قوم کی امیدوں پر پورا اترنے کے لئے دن رات کوشش کررہے ہیں۔ امید ہے کہ پنجاب کے عوام کو اب صحت کی سہولتیں ملے گی۔ امید ہے کہ پنجاب کے ہر بچے کو لیپ ٹاپ،ہونہار سکالر شپ اور بہترین تعلیم ملے گی۔

امید ہے کہ پنجاب میں ہر بے گھر کواپنی چھت کا سکھ ملے گا۔وزیراعلی مریم نواز شریف نے کہاکہ امید ہے کہ پنجاب کا ہرکسان لہلہاتی فصلیں دیکھ کر خوش اورخوشحال ہوگا۔ امید ہمیں مایوسی کے اندھیرے میں بھی روشنی کی کرن تلاش کرنے کی آس دلاتی ہے۔ عوام کو بھی یہی امید تھی کہ پاکستان مسلم لیگ(ن) آئے گی تو ہی لیپ ٹاپ،سکالر شپ،فری میڈیسن ملیں گی۔