شہید ڈی ایس پی رحمین خان کی عظیم قربانی کو سلام‘قوم کے سر کا تاج ہیں، محسن نقوی

ہفتہ 12 جولائی 2025 20:43

اسلام آباد(اُردو پوائنٹ اخبارتازہ ترین - آن لائن۔ 12 جولائی2025ء)جنوبی وزیرستان میں فتنہ الہندوستان کے دہشتگردوں کے حملے میں زخمی ڈی ایس پی رحمین خان شہیدہوگئے۔وفاقی وزیرداخلہ محسن نقوی نے جام شہادت نوش کرنے والے ڈی ایس پی رحمین خان کو خراج عقیدت پیش کی اور شہیدکے اہل خانہ سے دلی ہمدردی و تعزیت کا اظہارکیا ۔محسن نقوی نے کہا کہ شہید ڈی ایس پی رحمین خان کی عظیم قربانی کو سلام۔

(جاری ہے)

شہید ڈی ایس پی رحمین خان قوم کے سر کا تاج ہیں۔ محسن نقوی نے کہا کہ بہادر ڈی ایس پی رحمین خان نے جان دے دی لیکن فرض پر آنچ نہیں آنے دی۔ شہید ڈی ایس پی رحمین خان جیسے بہادر سپوت خیبرپختونخوا پولیس کا فخر ہیں۔ خیبرپختونخوا پولیس کے جری افسروں اور جوانوں کی دہشتگردی کے خلاف جنگ میں لازوال قربانیوں کی کوئی نظیر نہیں ملتی۔شہید ڈی ایس پی رحمین خان کے اہل خانہ کے ساتھ کھڑے ہیں اور ہمیشہ ساتھ کھڑے رہیں گے۔