وفاقی وزیر احسن اقبال کی وزیر اعلیٰ بلوچستان میر سرفراز بگٹی سے ملاقات

جمعہ 18 اپریل 2025 13:46

کوئٹہ (اُردو پوائنٹ اخبارتازہ ترین - اے پی پی۔ 18 اپریل2025ء) وفاقی وزیر برائے منصوبہ بندی احسن اقبال نے کوئٹہ میں وزیر اعلیٰ بلوچستان میر سرفراز بگٹی سے ملاقات کی ہے۔وفاقی وزیر کے وزیر اعلیٰ سیکرٹریٹ آمد پر وزیر اعلیٰ بلوچستان میر سرفراز بگٹی نے ان کا پرتپاک استقبال کیا ۔

(جاری ہے)

اس موقع پروزیر اعلیٰ اور وفاقی وزیر احسن اقبال کے درمیان اہم ملاقات ہوئی کچھی کینال سمیت جاری ترقیاتی منصوبوں پر تفصیلی تبادلہ خیال کیا گیا ۔

دونوں رہنمائوں نے بلوچستان کی ترقی، وسائل کی تقسیم اور منصوبہ بندی پر مشاورت کی گئی۔ وفاقی وزیر منصوبہ بندی احسن اقبال نے کہا کہ وفاقی حکومت بلوچستان کے ساتھ مکمل تعاون کر رہی ہے،ترقیاتی عمل میں وفاقی شراکت قابل تحسین ہے ،صوبے میں جاری منصوبے عوامی فلاح کی سمت درست قدم ہیں، وفاقی و صوبائی ہم آہنگی سے بلوچستان کی ترقی یقینی بنائیں گےملاقات کےدوران صوبائی پارلیمانی سیکرٹری بھی موجودتھے۔