اعظم خان کی جگہ ہوتا تو 100 دن میں 40 کلو وزن کم کرکے فلم بناتا : شعیب اختر

اعظم اچھے کرکٹر، انہیں غیر ضروری تنقید کا نشانہ بنایا جاتا ہے، انکا مسئلہ انکا وزن ہے، انہیں اس پر مزید کام کرنے کی ضرورت ہے : سابق سپیڈ سٹار

ذیشان مہتاب جمعہ 18 اپریل 2025 15:22

اعظم خان کی جگہ ہوتا تو 100 دن میں 40 کلو وزن کم کرکے فلم بناتا : شعیب اختر

لاہور (اردو پوائنٹ تازہ ترین اخبار ۔ 18 اپریل 2025ء ) روالپنڈی ایکسپریس کے نام سے مشہور سابق فاسٹ بولر شعیب اختر کا کہنا ہے کہ اگر وہ اسلام آباد یونائیٹڈ کے وکٹ کیپر اعظم خان کی جگہ ہوتے تو 100 دن میں 40 کلو وزن کم کرکے دستاویزی فلم بناتے۔

مقامی پلیٹ فارم پر گفتگو کرتے ہوئے شعیب اختر نے کہا کہ اعظم خان ایک اچھے کرکٹر ہیں، انہیں غیر ضروری تنقید کا نشانہ بنایا جاتا ہے، البتہ ان کا ایک مسئلہ ہے وہ ان کا وزن ہے، انہیں اس پر مزید کام کرنے کی ضرورت ہے۔

(جاری ہے)

49 سالہ شعیب اختر نے اسلام آباد یونائیٹڈ کے کپتان شاداب خان کی تعریف کرتے ہوئے کہا کہ میں انہیں بطور بالر دیکھتا ہوں، بیٹنگ سے میرا کوئی لینا دینا نہیں۔

انہوں نے کہا کہ وہ ایک ذہین کھلاڑی ہیں اور اسلام آباد یونائیٹڈ کا اہم حصہ ہیں، وہ ٹیم کو متحد رکھتے ہیں اور مسائل پیدا نہیں ہونے دیتے، جس کے باعث ڈریسنگ روم کا ماحول خوشگوار رہتا ہے۔