آڈیو لیک کیس میں علی امین گنڈا پور کیخلاف فرد جرم کی کارروائی موخر

جمعہ 18 اپریل 2025 21:40

اسلام آباد (اُردو پوائنٹ اخبارتازہ ترین - اے پی پی۔ 18 اپریل2025ء) اسلام آبادڈسٹرکٹ اینڈ سیشن کورٹ نے آڈیو لیک کیس میں وزیر اعلیٰ خیبرپختونخوا علی امین گنڈا پور کیخلاف فرد جرم کی کارروائی موخر کردی تاہم علی امین گنڈا پور کے وارنٹ گرفتاری برقراررکھے گئے ہیں۔

(جاری ہے)

اسلام آبادڈسٹرکٹ اینڈ سیشن کورٹ نے وزیر اعلیٰ کے پی کے علی امین گنڈا پور کیخلاف آڈیو لیک کیس کی سماعت ایڈیشنل سیشن جج رانا مجاہد رحیم کی عدم دستیابی کے باعث بغیر کارروائی ملتوی کردی گئی جس کے باعث علی امین گنڈا پور کیخلاف فرد جرم کی کارروائی بھی موخرہو گئی ۔

کیس کی آئندہ تاریخ پر ملزمان پر فرد جرم عائد کی جائے گی ۔ وزیر اعلیٰ خیبرپختونخوا ودیگر کیخلاف کیس کی آئندہ سماعت 6 مئی تک ملتوی کی گئی ۔علی امین گنڈا پور اور اسد فاروق خان کیخلاف تھانہ گولڑہ میں مقدمہ درج ہے۔