پشاور زلمی کو پاور پلے میں اچھا کھیلنا ہوگا، کوچ مشتاق احمد

ہفتہ 19 اپریل 2025 13:44

کراچی (اُردو پوائنٹ اخبارتازہ ترین - این این آئی۔ 19 اپریل2025ء)پشاور زلمی کے اسپن بولنگ کوچ مشتاق احمد نے کہاہے کہ ٹی ٹوئنٹی میں پاور پلے اہم ہوتا ہے، پشاور زلمی کو پاور پلے میں اچھا کھیلنا ہوگا۔کراچی میں میڈیا ٹاک میں مشتاق احمد نے بتایا کہ پشاور زلمی پاور پلے میں بہترین کھیل لے تو کسی بھی ٹیم کو شکست دے سکتی ہے۔اسپن بولنگ کوچ کا کہنا تھا کہ کنڈیشنز کے حساب سے پلیئنگ الیون بنائیں گے، اوس اہم کردار ادا کرسکتی ہے۔

مشتاق احمد نے کہا کہ دونوں لیفٹ آرم اسپنرز کو پلیئنگ الیون میں شامل کرسکتے ہیں، اسلام آباد یونائیٹڈ، کوئٹہ گلیڈی ایئٹرز کے لیے اسپنرز نے وکٹیں لے کر میچ جیتایا ہے۔انہوں نے کہا کہ اسپنرز کو بیٹرز ہٹ لگانے جاتے ہیں جس پر وکٹیں مل جاتی ہیں، چھکے پڑجائیں لیکن اسپنر اگر وکٹیں لے لیں تو ٹیم کے لئے فائدہ مند ہی ہوگا۔

(جاری ہے)

مشتاق احمد نے بابر اعظم سے متعلق بات کرتے ہوئے کہا کہ بابر کو ایک اچھی اننگز کی ضرورت ہے، تیس چالیس رنز بابر اعظم کے لیے کچھ بھی نہیں۔

انہوں نے کہا کہ بابر اعظم نے پانچ سال مسلسل پرفارمینس دی ہے، اتار چڑھاؤ کیریئر کا حصہ ہوتا ہے، بابر اعظم کو پشاور زلمی اعتماد دے رہی ہے۔مشتاق احمد کا کہنا تھا کہ انٹرنیشنل کرکٹ میں بیٹر کی صلاحیتیں بہتر ہوگئی ہیں لیکن بولر اپنے آپ کو بہتر نہیں کر پائے، پاکستان کی بولنگ پریکٹس میں کمی کی وجہ سے کمزور ہے۔