امریکی صدر کا انٹرنل ریونیو سروس کمشنر کو تبدیل کرنے کا فیصلہ

وزیرخزانہ اسکاٹ بیسنٹ نے صدر ٹرمپ کو شکایت کی تھی کہ ایلون مسک نے آئی آر ایس کے قائم مقام کمشنر کا تقرر انہیں بغیر بتائے کیا

ہفتہ 19 اپریل 2025 22:29

امریکی صدر کا انٹرنل ریونیو سروس کمشنر کو تبدیل کرنے کا فیصلہ

واشنگٹن (اُردو پوائنٹ اخبارتازہ ترین - آن لائن۔ 19 اپریل2025ء)محکمہ خزانہ اور ایلون مسک کے درمیان تنازعہ شدت اختیار کرنے پر امریکی صدر نے انٹرنل ریونیو سروس کمشنر کو تبدیل کرنے کا فیصلہ کرلیا، شیپلے کی جگہ مائیکل فال کینڈر (Faulkender) لیں گے۔

(جاری ہے)

وزیرخزانہ اسکاٹ بیسنٹ نے صدر ٹرمپ کو شکایت کی تھی کہ ایلون مسک نے آئی آر ایس کے قائم مقام کمشنر گیری شیپلے کا تقرر انہیں بغیر بتائے کیا گیا،اس پر صدر ٹرمپ نے بیسنٹ کی بات مانتے ہوئے گیری شیپلے کو ہٹانے کی اجازت دیدی ہے۔

حکومتی استعداد کار سے متعلق محکمہ ڈوج کے اہلکار گیون کلائگر Gavin Kliger کی آئی آر ایس کی عمارت، کمپیوٹر اور ڈیٹا سسٹم تک رسائی روک دی گئی ہے۔ آئی آر ایس میں آئی ٹی شعبہ کی نگرانی پر مامور ایگزیکٹوز کی تعداد سو سے کم کرکے صرف تین کردی گئی ہے۔