ارسا ایکٹ میں کی گئی ترمیم واپس لی جائے اور کینالز کے منصوبے کو رد کیا جائے‘ایاز لطیف پلیجو

دریائے سندھ سے کینالز نکالنے کیخلاف وکلا کا دھرنا جاری، سندھ اور پنجاب کے درمیان ٹریفک تاحال معطل

اتوار 20 اپریل 2025 12:20

خیرپور(اُردو پوائنٹ اخبارتازہ ترین - این این آئی۔ 20 اپریل2025ء) دریائے سندھ سے نہریں نکالنے کے مجوزہ منصوبے کے خلاف ببرلو بائی پاس پر وکلا کی جانب سے دیا گیا دھرنا تاحال جاری ہے۔ دریائے سندھ سے 6 نہریں نکالنے کے خلاف وکلا کی جانب سے خیرپور کے قریب ببرلو بائی پاس پر 2 روز قبل دیا جانے والا دھرنا تاحال جاری ہے جس سے سندھ اور پنجاب کے درمیان ٹریفک جمعہ سے معطل ہے۔

(جاری ہے)

کینالز منصوبے کے خلاف حیدرآباد میں بھی سندھ بچاؤ کونسل کی جانب سے قاسم آباد بائی پاس پر دھرنا دیا گیا۔اس موقع پر قومی عوامی تحریک کے سربراہ ایاز لطیف پلیجو نے کہا کہ ارسا ایکٹ میں کی گئی ترمیم واپس لی جائے اور کینالز کے منصوبے کو رد کیا جائے۔ اس کے علاوہ لاڑکانہ کیعلاقیرتوڈیروبائی پاس پر قوم پرست جماعتوں نے دھرنا دیا جس کے نتیجے میں سکھرلاڑکانہ ٹریفک معطل ہوگئی اور مسافروں کو پریشانی کا سامنا بھی کرنا پڑا ہے۔