کراچی کے مختلف علاقوں میں بجلی کی فراہمی معمول کے مطابق جاری ہے،ترجمان کے الیکٹرک

اتوار 20 اپریل 2025 15:25

کراچی(اُردو پوائنٹ اخبارتازہ ترین - این این آئی۔ 20 اپریل2025ء)شہر قائد کو بجلی فراہم کرنے کے ادارے کے الیکٹرک نے واضح کیا ہے کہ کراچی کے مختلف علاقوں میں بجلی کی فراہمی معمول کے مطابق جاری ہے۔اس حوالے سے جاری ترجمان کے الیکٹرک کے مطابق جمشید روڈ، نفیس آباد، گرومندر، پٹیل پاڑہ سمیت گارڈن ویسٹ میں بجلی فراہمی جاری ہے۔

(جاری ہے)

ترجمان کے الیکٹرک نے کہاکہ لوڈشیڈنگ کا دارومدار علاقے میں بجلی چوری، نقصانات کی شرح پر ہے، جمشید روڈ، نفیس آباد کے نادہندگان پر واجب الادا رقم 95کروڑ سے تجاوز کرچکی۔

لسبیلہ اور پٹیل پاڑہ کے نادہندگان پر واجب الادا رقم30کروڑ سیتجاوز کرچکی ہے، گارڈن ایسٹ کے نادہندگان پر واجب الادا رقم 10کروڑ سے تجاوز کرچکی ہے، علاقہ مکین وقت پر بجلی کے بلوں کی ادائیگیوں کو یقینی بنائیں۔