سعودی عرب میں اوسط عمر بڑھ کر 78.8 ہوگئی

پیر 21 اپریل 2025 09:20

ریاض (اُردو پوائنٹ اخبارتازہ ترین - اے پی پی۔ 21 اپریل2025ء) سعودی عرب کی وزارت صحت کی صحت کمیٹی نے کہا ہے کہ شہریوں کی اوسط عمر بڑھ کر 78.8 سال ہوگئی ہے۔سبق ویب سائٹ نے صحت کمیٹی کے بیان کے حوالے سے بتایا کہ 2024 کے سروے کے نتائج سے علم ہوا کہ مملکت کے شہریوں کی اوسط عمر بڑھ کر 78.8 سال ہوچکی ہے، 2016 میں اوسط عمر کی شرح 74 سال تھی۔

(جاری ہے)

انہوں نے اس پیشرفت کو اُن اقدامات کا نتیجہ قرار دیا ہے جو سعودی وژن 2030 کے اہداف کو حاصل کرنے والے پروگراموں کا حصہ ہیں۔

صحت کمیٹی نے بتایا ہے کہ یہ پیشرفت جامع صحت پالیسیوں کے نفاذ کا براہِ راست نتیجہ ہے جن میں تمام پالیسیوں میں صحت کے تصور کا فروغ ، اشیائے خوراک میں نقصان دہ اجزاکی مقدار کم کرنا شامل ہے ، اس کے علاوہ ذیابیطس، موٹاپا اور کینسر جیسے دائمی امراض کی بروقت تشخیص کو بھی فعال بنایا گیا جس کا مقصد احتیاطی تدابیر پر زور دینا، علاج کے مواقع کو بہتر بنانا اور معیارِ زندگی کو بلند کرنا ہے۔

Facebook Twitter Google + Share on Whatsapp

سعودی عرب میں اوسط عمر بڑھ کر 78.8 ہوگئی

متعلقہ عنوان :

مزید بین الاقوامی خبریں