حج سیزن میں لو لگنے سے محفوظ رہنے کے لیے تین اہم ہدایات

آسان ہدایات پر عمل کر کے حجاج خود کو صحت سے متعلق بڑے خطرات سے محفوظ رکھ سکتے ہیں،حکام

پیر 21 اپریل 2025 17:43

مکہ مکرمہ (اُردو پوائنٹ اخبارتازہ ترین - این این آئی۔ 21 اپریل2025ء)سال 1446 ہجری کا حج سیزن قریب آتے ہی وزارتِ حج و عمرہ نے 'حج آگاہی مرکز' کے تعاون سے ایک آگاہی مہم کا آغاز کیا ہے۔ مہم میں حجاج کو سورج کی تپش اور گرمی سے بچا کے حوالے سے خبردار کیا جا رہا ہے۔میڈیارپورٹس کے مطابق وزارت نے ایک انفوگرافک کے ذریعے واضح کیا کہ لو لگنا ایک طبی ہنگامی حالت ہے، جس میں فوری طبی امداد کی ضرورت ہوتی ہے۔

(جاری ہے)

اس سے بچنے کے لیے تین اہم حفاظتی اقدامات تجویز کیے گئے ہیں : ضرورت کے بغیر دن کے وقت باہر نکلنے سے گریز کریں، اور سر کو ڈھانپ کر رکھیں تاکہ براہِ راست دھوپ سے بچا جا سکے۔ براہِ راست سورج کی روشنی میں نکلنے اور بغیر چھتری کے باہر جانے سے پرہیز کریں، خاص طور پر دوپہر کے اوقات میں جب گرمی کی شدت عروج پر ہوتی ہے۔ صحت سے متعلق اعلان کردہ ہدایات پر عمل کریں، تاکہ شدید گرمی اور جسمانی تھکن سے ہونے والی پیچیدگیوں سے محفوظ رہا جا سکے۔وزارت حج و عمرہ نے باور کرایا ہے کہ ان آسان ہدایات پر عمل کر کے حجاج خود کو صحت سے متعلق بڑے خطرات سے محفوظ رکھ سکتے ہیں۔ اس طرح وہ اپنا ایمانی سفر سلامتی اور اطمینان کے ساتھ مکمل کر سکیں گے۔