لندن پہنچنے کے بعد نواز شریف کی طبیعت ناساز ہو گئی

قائد ن لیگ نے طبیعت ناساز ہو جانے پر پاکستانی واپسی کو موخر کرتے ہوئے برطانیہ میں قیام بڑھا دیا

محمد علی پیر 21 اپریل 2025 20:48

لندن ( اردوپوائنٹ اخبار تازہ ترین۔ 21 اپریل 2025ء ) لندن پہنچنے کے بعد نواز شریف کی طبیعت ناساز ہو گئی، قائد ن لیگ نے طبیعت ناساز ہو جانے پر پاکستانی واپسی کو موخر کرتے ہوئے برطانیہ میں قیام بڑھا دیا۔ تفصیلات کے مطابق آذربائیجان سے برطانیہ جانے والے مسلم لیگ ن کے قائد نواز شریف کی طبیعت ناسازی کی اطلاعات سامنے آئی ہیں۔ میڈیا رپورٹس کے مطابق پاکستان مسلم لیگ (ن) کے صدر اور سابق وزیراعظم نواز شریف کی طبعیت ناساز ہوگئی، لندن میں قیام بڑھا دیا گیا۔

(جاری ہے)

ذرائع کا کہنا ہے کہ سابق وزیرِاعظم نواز شریف دو ہفتے کے دورے پر لندن آئے تھے، نواز شریف نے اپنی واپسی کی ٹکٹ بھی ری شیڈول کروا لی ہے۔ مسلسل میڈیکل چیک اپس کی وجہ سے نواز شریف کا قیام بڑھایا گیا، ن لیگ کی برطانیہ قیادت نواز شریف کے اعزاز میں ورکرز کنونشن کی بھی خواہاں ہے۔ واضح رہے کہ 2019 میں سزا یافتہ ہونے کے باوجود عدالت کی خصوصی اجازت سے علاج کے غرض سے لندن جانے کے بعد نواز شریف 4 سال تک پاکستان واپس نہیں آئے تھے۔ 4 سال بعد 2024 کے عام انتخابات سے قبل ان کی پاکستان واپسی ہوئی تھی۔