سعودی عرب، حج مہم کے جعلی اشتہارات شائع کرنے پر2 افراد گرفتار

منگل 22 اپریل 2025 17:51

ریاض(اُردو پوائنٹ اخبارتازہ ترین - این این آئی۔ 22 اپریل2025ء)سعودی عرب میں مکہ مکرمہ ریجن پولیس نے مقدس مقامات کے اندر حجاج کے لیے رہائش اور نقل و حمل سے متعلق جعلی اور گمراہ کن اشتہارات شائع کرنے کے الزام پر ایک رہائشی اور ایک شہری کو گرفتار کرلیا ۔

(جاری ہے)

عرب ٹی وی کے مطابق سعودی وزارت حج و عمرہ نے حج کے خواہشمند فراد کو خبردار کیا ہے کہ وہ متعدد ممالک میں سوشل میڈیا پر اپنی خدمات کی تشہیر کرنے والی جعلی حج مہم کا شکار نہ ہوں۔

وزارت نے کہا ہے کہ حج صرف سعودی عرب میں متعلقہ حکام کی طرف سے جاری کردہ حج ویزا حاصل کرکے اور ممالک کے ساتھ ان کے حج امور کے دفاتر کے ذریعے ممکن ہوسکے گا۔ حج کے لیے پلیٹ فارم نسک حج بھی استعمال کیا جاسکتا ہے۔ حج کے خواہشمند افراد کو مسلسل سرکاری سعودی انتباہات جاری کئے جا رہے ہیں اور ان پر زور دیا جا رہا ہے کہ وہ جعلی مہمات کا شکار ہونے سے گریز کریں اور صرف سرکاری چینلز کے ساتھ رابطہ کریں۔