ملک بھر میں سونے کی قیمت میں 5,900 روپے اضافہ ریکارڈ

منگل 22 اپریل 2025 19:40

اسلام آباد (اُردو پوائنٹ اخبارتازہ ترین - اے پی پی۔ 22 اپریل2025ء) ملک بھر میں سونے کی قیمت میں 5,900 روپے اضافے کے ساتھ فی تولہ سونا 3 لاکھ 63 ہزار 7 سو روپے کا ہوگیا ۔

(جاری ہے)

آل پاکستان جیمز اینڈ جیولرز ایسوسی ایشن کے مطابق منگل کو سونے کی فی تولہ قیمت میں 5,900 روپے اضافے کے بعد فی تولہ سونا 3 لاکھ 63 ہزار 7 سو روپے کا ہوگیا ہے جبکہ 24 قیراط سونے کے 10 گرام کی قیمت بھی 5,059 روپے اضافے کے بعد 306,755 روپے سے بڑھ کر 311,814 روپے ہوگئی، 10 گرام 22 قیراط سونے کی قیمت 281,202 روپے سے بڑھ کر 285,839 روپے ہوگئی۔

آل سندھ صرافہ جیولرز ایسوسی ایشن نے رپورٹ کیا کہ فی تولہ اور دس گرام چاندی کی قیمت بالترتیب 3,441 روپے اور 2,950 روپے رہی۔ ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 3,395 ڈالر سے بڑھ کر 3,454 ڈالر ہو گئی۔

Facebook Twitter Google + Share on Whatsapp

ملک بھر میں سونے کی قیمت میں 5,900 روپے اضافہ ریکارڈ

متعلقہ عنوان :

مزید تجارتی خبریں