سکردو، سیاحوں کی گاڑی پر پتھر گرنے سے تھائی لینڈ کی خاتون سیاح ہلاک ہوگئی

منگل 22 اپریل 2025 21:45

سکردو(اُردو پوائنٹ اخبارتازہ ترین - این این آئی۔ 22 اپریل2025ء)سکردوسے گانچھے جانیوالی سیاحوں کی گاڑی پر پتھر گرنے سے غیر ملکی خاتون سیاح ہلاک ہوگئی جبکہ گاڑی میں بیٹھی ساتھی سیاح زخمی ہوگئی۔مقامی ذرائع کے مطابق سکردو سے گانچھے جانیوالی سیاحوں کی گاڑی پر غواڑی میں پہاڑ سے اچانک ایک پتھرآکر گاڑی پر گرا جس کے نتیجے میں تھائی لینڈ کی خاتوں سیاح موقع پر ہلاک ہوگئی۔

(جاری ہے)

ساتھی خاتون سیاح کو زخمی حالت میں آر ایچ کیو ہسپتال منتقل کردیا گیا جہاں اس کی حالت خطرے سے باہر بتائی جاتی ہے۔پولیس حکام کے مطابق ہلاک خاتون سیاح کی لاش کو آر ایچ کیو ہسپتال کے سرد خانے میں رکھ دیا گیا ہے، حکومتی حکام کو آگاہ کر دیا گیا ہے۔حکومتی سطح پر خاتون کی لاش کو واپس ان کے ملک بھجوایا جا سکتا ہے، تاحال خاتون کے کسی بھی رشتہ دار نے لاش لے جانے کیلئے باضابطہ کوئی رابطہ نہیں کیا ہے۔