اسلام آباد، گارڈزکو کم ازکم37ہزار روپے تنخواہ نہ دینے پر سکیورٹی کمپنی منیجرگرفتار

منگل 22 اپریل 2025 21:45

اسلام آباد (اُردو پوائنٹ اخبارتازہ ترین - این این آئی۔ 22 اپریل2025ء)اسلام آباد میں نجی سکیورٹی کمپنیوں اور گارڈز کی انسپکشن کے دوران کم ازکم37ہزار روپے تنخواہ نہ دینے پر سکیورٹی کمپنی منیجرکو گرفتار کرلیا گیا،ضلعی انتظامیہ کے مطابق بلیوایریا میں نجی دفاتر کے باہر کھڑے سکیورٹی گارڈز کی بھی انسپکشن کی گئی اور بغیرلائسنس اسلحہ استعمال کرنے والیگارڈز کو گرفتار کرلیا گیا۔

(جاری ہے)

ضلعی انتظامیہ ڈپٹی کمشنر اسلام آباد عرفان نواز میمن کی ہدایت پر تمام سکیورٹی کمپنیوں کی انسپکشن کر رہی ہے۔ڈپٹی کمشنر اسلام آباد نے ہدایت کی ہے کہ سیکیورٹی کمپنیاں تربیت یافتہ افراد کو ہی بطور گارڈ رکھیں، سکیورٹی کمپنیاں گارڈز کے اسلحہ لائسنس کی بروقت تجدید کروائیں۔عرفان نواز میمن نے ہدایت کی ہے کہ گارڈز کی کم ازکم اجرت37ہزار روپے ماہانہ یقینی بنائی جائے۔