سیف علی خان کی فلم’’ جیول تھیف دی ہائسٹ بیگنز‘‘(کل) ریلیز ہوگی

گارڈ نہ گاڑی، حملے کے بعد سیف علی خان کا چونکا دینے والا انداز، موٹر سائیکل پر نکل آئے

بدھ 23 اپریل 2025 10:50

ممبئی (اُردو پوائنٹ اخبارتازہ ترین - این این آئی۔ 23 اپریل2025ء)بالی ووڈ کے چھوٹے نواب سیف علی خان کی فلم’’ جیول تھیف دی ہائسٹ بیگنز‘‘(کل) 25 اپریل کو نیٹ فلکس پر ریلیز ہوگی-سیف علی خان خود پر حملے کے کچھ ہی دنوں بعد ممبئی کی ٹریفک سے بچنے کیلئے موٹر سائیکل پر سواری کرتے دکھائی دیئے ہیں۔اداکار سیف علی خان کی نئی ایکشن تھرلر فلم جیول تھیف دی ہائسٹ بیگنز جلد ہی ریلیز ہونے جا رہی ہے۔

فلم کی ریلیز سے قبل، انٹرنیٹ پر ایک دلچسپ ویڈیو گردش کر رہی ہے جس میں سیف علی خان سفید کرتا پاجامہ پہنے ایک اسکوٹر پر سوار نظر آ رہے ہیں، جسے مداحوں کی جانب سے خوب سراہا جا رہا ہے۔تاہم کچھ سوشل میڈیا صارفین کا کہنا ہے کہ ان پر حال ہی میں ہونے والے حملے کے بعد اس طرح ان کا سڑکوں پر بغیر سیکیورٹی گھومنا ٹھیک نہیں ہے۔

(جاری ہے)

فلم کی ہدایت کاری کوکی گلآتی اور رابی گریوال نے کی ہے۔

سیف علی خان فلم میں ریحان رائے نامی ایک فراڈیے کا کردار ادا کر رہے ہیں، جسے ایک طاقتور جرائم پیشہ شخص(جیدیپ اہلاوت)کی جانب سے ایک قیمتی ہیرا، افریقی ریڈ سن، حاصل کرنے کے مشن پر مامور کیا جاتا ہے۔یہ ایکشن تھرلر نیٹ فلکس اور مارفلیکس پکچرز کی مشترکہ پروڈکشن ہے، جسے سدھارتھ آنند اور ممتا آنند نے پروڈیوس کیا ہے۔اس کے علاوہ، سیف علی خان راہول ڈھولکیا کی ایک دورِ ماضی پر مبنی فلم میں بھی جلوہ گر ہوں گے، جس میں وہ بھارت کے پہلے چیف الیکشن کمشنر سکمار سین کا ردار نبھائیں گے۔یاد رہے کہ سیف علی خان کی فلم’’ جیول تھیف دی ہائسٹ بیگنز‘‘ 25 اپریل کو نیٹ فلکس پر ریلیز ہوگی۔