بھارتی رافیل طیاروں کی تباہی آسمان پر پاکستان کے راج کا اعلان ہے

اسلام آباد ( اردوپوائنٹ اخبار تازہ ترین۔ آئی پی اے ۔ 09 مئی 2025ء ) برطانوی اخبار نے اعتراف کیا ہے کہ بھارتی رافیل طیاروں کی تباہی آسمان پر پاکستان کے راج کا اعلان ہے۔ میڈیا کے مطابق برطانوی اخبارٹیلی گراف پاکستان کی فضائی کامیابی کا معترف ہوگیا ہے، برطانوی اخبار نے کہا کہ رافیل طیاروں کی تباہی آسمان پر پاکستان کے راج کا اعلان ہے، چین پاکستان مشترکہ ٹیکنالوجی نے عالمی عسکری ماہرین کو نظریہ بدلنے پر مجبورکردیا ہے، پاک چین مشترکہ ٹیکنالوجی اتنا خوف کہ بھارتی رافیل سرحد سے 300 کلومیٹر دور رہے۔

پاکستان نے بھارتی رافیل گرا کر فضاؤں میں اپنی برتری ثابت کردی ہے۔ پاکستان نے نادیدہ اور خاموش ٹیکنالوجی سے بھارت پر اپنی دھاک بٹھا دی ہے۔ تمام بھارتی پائلٹس حیران ہوگئے کہ اگر رافیل جیٹ تباہ ہوسکتا ہے توکوئی بھی نہیں بچ سکتا۔

(جاری ہے)

دوسری جانب ڈی جی آئی ایس پی آر لیفٹیننٹ جنرل احمد شریف چوہدری نے ٹی آرٹی ورلڈ کو انٹرویو دیتے ہوئے بتایا کہ بھارت سے آرٹلری ، مارٹرگولے اور دیگر بڑے ہتھیار وں سے گولہ باری جاری ہے، بدقسمتی سے بھارت جان بوجھ کر معصوم شہریوں کو نشانہ بنا رہا ہے۔

ڈی جی آئی ایس پی آر نے کہا کہ پاکستان جوابی کارروائی میں بھارت کی فوجی تنصیبات کو نشانہ بنا رہا ہے، پاکستان اپنے دفاع میں چھوٹے ہتھیاروں سے بھارتی پوسٹوں کو نشانہ بنا رہا ہے۔ جب پاکستان اپنے دفاع میں کارروائی کرے گا تو دنیا دیکھے گی، جب پاکستان کارروائی کرے گا تو بھارتی میڈیا کو دنیا کو بتانے کی ضرورت نہیں پڑے گی۔ انہوں نے کہا کہ21صدی ہے اگر کسی ہدف کو نشانہ بنایا جائے تو واضح ثبوت ہوتے ہیں،بھارت پاک فضائیہ کے پائلٹ کو پکڑنے کا دعویٰ کررہا ہے تو اسے سامنے لائے۔

بھارتی میڈیا بغیر ثبوتوں کے جھوٹی کہانیاں بناکر دنیا کو گمراہ کررہا ہے۔ بھارت کے پاس پہلگام حملے کے حوالے سے پاکستان کیخلاف کوئی ثبوت نہیں۔بھارت نے مشترکہ تحقیقات کا راستہ نہ مان کر جارحیت کا راستہ اپنایا۔بھارت نے مساجد پر حملے کئے بھارتی حملے میں خواتین بچے شہید ہوئے۔بھارت بغیر ثبوتوں کے ہمیشہ دہشتگردی کی ذمہ داری پاکستان پر ڈال کر سیاسی فائدہ اٹھانے کی کوشش کرتا ہے۔

انہوں نے کہا کہ بھارت نے ہمیشہ پاکستان پر بغیر ثبوت الزام لگائے ہیں اور اب یہ سلسلہ بند ہونا چاہیے۔21 ویں صدی کی جنگ میں ہر حملے کا الیکٹرانک ثبوت ہوتا ہے، اگر پاکستان نے کوئی میزائل حملہ کیا ہوتا تو اس کا کوئی الیکٹرانک ثبوت ہوتا۔ پہلگام میں سیاحوں پر حملے کے بعد حکومت پاکستان نے ذمہ داری کا مظاہرہ کیا اور پاکستان نے آزادانہ اورغیر جانبدارتحقیقات کی پیش کش کی۔

بھارت نے پاکستان کی یہ پیشکش قبول کرنے سے انکار کر دیا۔ بھارت کی جانب سے پاکستان پر بغیرثبوت الزام کا سلسلہ بندہونا چاہئے۔ڈی جی آئی ایس پی آر نے کہا کہ بھارت نے پاکستان میں 6 مختلف مقامات پر حملے کر کے عام شہریوں کو نشانہ بنایا۔ بھارت نے مسجد پر بمباری کی، خواتین اور بچوں کو شہید کیا۔لیفٹیننٹ جنرل احمد شریف چوہدری نے کہا ہے کہ پاکستان کو بھارتی گولہ باری کا سامنا ہے اور بھارت کی جانب سے فائرنگ کا سلسلہ جاری ہے۔

بدقسمتی سے وہ جان بوجھ کر عام شہریوں کو نشانہ بنا رہے ہیں۔ڈی جی آئی ایس پی آر نے کہا کہ بھارتی دعویٰ ہے انہوں نے پاکستانی طیارے گرائے تو پھراس کا ملبہ کہاں ہے؟ اگر ان کے پاس ہمارے پائلٹ ہیں تو وہ کہاں ہیں؟ بھارت نے وہاں پر بین الاقوامی میڈیا کو خاموش کر دیا ہے، اب بھارتی میڈیا ہر گھنٹے فرضی کہانیاں بنا رہا ہے جو مضحکہ خیز بن چکی، جب ہم جواب دیں گے تو دنیا خود سن لے گی، ہمیں بھارتی میڈیا کی ضرورت نہیں ہے۔

ڈی جی آئی ایس پی آر نے کہا ہے کہ پاکستان صرف چھوٹے ہتھیاروں سے جواب دے رہا ہے۔ ڈرون، راکٹ یا بڑے حملے نہیں کئے جا رہے۔ پاکستان لائن آف کنٹرول پر صرف ان بھارتی فوجی چوکیوں کو نشانہ بنا رہا ہے جو پاکستانی علاقے میں فائرنگ کر رہی ہیں۔ یہ کارروائی صرف دفاعی نوعیت کی ہے۔ ان کا یہ بھی کہنا تھا کہ بھارت نے پاکستان پر حملہ بغیر کسی قابل اعتبار ثبوت کیا، پاکستان ان بے بنیاد الزامات کو مکمل طور پر مسترد کرتا ہے۔

بھارت سے مطالبہ ہے کوئی ثبوت ہیں تو کسی غیر جانبدار ملک کو پیش کرے۔ ہم صرف چھوٹے ہتھیاروں کے ذریعے چوکیوں کو نشانہ بنا رہے ہیں، یہ کسی بڑے حملے جیسا نہیں ہے جیسا کہ بھارتی میڈیا نے گزشتہ رات سے ایک سنسنی پھیلائی ہے، بھارت کی جانب سے ایک مکمل میڈیا مہم چلائی جا رہی ہے کہ پاکستان نے ڈرون، طیارے اور بین الاقوامی سرحد پر بڑے پیمانے پر حملے کئے ہیں۔ یہ سراسر جھوٹ پر مبنی پروپیگنڈہ ہے جس کے کوئی ثبوت موجود نہیں یہ بہت مضحکہ خیز ہے۔