سینٹر شیری رحمان نے پی این سی اے میں کیلاش کمیونٹی سے متعلق تصویری نمائش کا افتتاح کر دیا

بدھ 23 اپریل 2025 23:23

اسلام آباد(اُردو پوائنٹ اخبارتازہ ترین - آن لائن۔ 23 اپریل2025ء)نائب صدر پیپلز پارٹی سینٹر شیری رحمان نے پی این سی اے میں کیلاش کمیونٹی سے متعلق تصویری نمائش کا افتتاح کر دیا ۔

(جاری ہے)

اس موقع پر خطاب میں سینیٹر شیری رحمان نے کہا کہ کیلاش ثقافتی مصوری کی نمائش بہترین کاوش ہے،کیلاش کی تہذیب و ثقافت اور روایات نہ صرف منفرد ہیں بلکہ بہت حسین ہیں،ہم چاہتے ہیں کہ ہمارے ملک میں جو مختلف ثقافتی رنگ ہیں انکو ترویج ملے۔ سینٹر شیری رحمان نے کہا کہ ان فن پاروں میں مصوروں نے رنگوں کے ذریعے خوبصورت مقاصد کو اجاگر کیا ہے،آج کل کے دور میں ماڈرن آرٹ کی بہت مانگ ہے،اس نمائش کے آرٹسٹ اور منتظمین دلی مبارکباد کے مستحق ہیں۔