انگریزی پڑھ کر نہیں قومی زبان اپنا کر ترقی کی جاسکتی ہے،احسن اقبال

چینی اور ترک اپنی زبانوں پر فخر کرتے ہیں، ہمیں بھی قومی زبان کو اپنانا ہوگا،وفاقی وزیر

بدھ 23 اپریل 2025 22:20

اسلا م آباد(اُردو پوائنٹ اخبارتازہ ترین - این این آئی۔ 23 اپریل2025ء)وفاقی وزیر منصوبہ بندی احسن اقبال نے کہا ہے کہ انگریزی پڑھ کر نہیں قومی زبان اپنا کر ترقی کی جاسکتی ہے۔بدھ کویہاںوفاقی وزیراحسن اقبال کی زیرصدارت سول سروسز اصلاحات کمیٹی کا اجلاس ہوا، جس میں وفاقی وزیر نے کہا کہ1973 کا قانون جدید تقاضوں سے ہم آہنگ کرنے کی ضرورت ہے۔

(جاری ہے)

انہوں نے کہا کہ معاشرے میں سول سروسز کے حوالے سے تشویش بڑھ رہی ہے،سول سروسز کو ایلیٹ کلاس کا ادارہ بنایا گیا ہے، عام شہری کیلئے دروازے بند ہیں۔

وفاقی وزیر نے کہا کہ چینی اور ترک اپنی زبانوں پر فخر کرتے ہیں، ہمیں بھی قومی زبان کو اپنانا ہوگا۔انہوںنے کہاکہ اگر انگریزی کامیابی کی ضمانت ہوتی تو پاکستان آج دنیا کی تیسری بڑی طاقت ہوتا، انگریزی پڑھ کر نہیں، قومی زبان اپنا کر ترقی کی جا سکتی ہے۔