ایڈیشنل اسسٹنٹ کمشنر ایبٹ آباد کا نواں شہر کے مختلف علاقوں کا دورہ ، گرانفروشی پر متعدد دکانداروں کو جرمانے

جمعرات 24 اپریل 2025 10:30

ایبٹ آباد (اُردو پوائنٹ اخبارتازہ ترین - اے پی پی۔ 24 اپریل2025ء) ایڈیشنل اسسٹنٹ کمشنر ایبٹ آباد ثناء فاطمہ نے ٹیم کے ہمراہ نواں شہر کے مختلف علاقوں کا دورہ کیا اور گرانفروشی کے مرتکب دکانداروں پر جرمانے عائد کئے۔

(جاری ہے)

انہوں نے نواں شہر میں بنی چوک، بازار، الیاسی مسجد اور مری روڈ پر پکوڑوں، فاسٹ فوڈ و دیگر دکانوں کا معائنہ کیا، ریٹ لسٹ اور حفظانِ صحت کے اصولوں پر عمل درآمد یقینی بناتے ہوئے صفائی کی ناقص صورتحال اور گرانفروشی کے مرتکب دکانداروں پر جرمانے عائد کئے۔ انہوں نے دکانداروں کو صفائی کی صورتحال مزید بہتر بنانے کی ہدایت کی۔