زلزلہ آتے ہی ترک شہری نے بالکونی سے چھلانگ لگا دی

شہری بالکونی سے چھلانگ لگانے کے بعد گاڑی پر گرا جس سے اسے فریکچر اور زخم آئے،رپورٹ

جمعرات 24 اپریل 2025 13:10

انقرہ (اُردو پوائنٹ اخبارتازہ ترین - این این آئی۔ 24 اپریل2025ء)ترکیہ کے شہر استنبول میں آنے والے زلزلے کے دوران ایک شخص نے بالکونی سے چھلانگ لگا دی۔میڈیارپورٹس کے مطابق گزشتہ روز ترکیہ میں زلزلے کے شدید جھٹکے محسوس کیے گئے تھے، جن کی شدت 6.2 ریکارڈ کی گئی تھی۔

(جاری ہے)

اس دوران رہائشی گھروں سے چیخ و پکار کرتے خوف کے مارے سڑکوں پر نکل آئے ۔مقامی حکام کے مطابق زلزلے کے جھٹکوں کے دوران 151 افراد زخمی ہوئے، جن میں ایسا شخص بھی شامل ہے جس نے بالکونی سے چھلانگ لگائی تھی۔یہ شخص بالکونی سے چھلانگ لگانے کے بعد گاڑی پر گرا جس سے اسے فریکچر اور زخم آئے ہیں۔