چینی ترجمان کی امریکا کے ساتھ ٹیرف پر مذاکرات کی تردید

جمعرات 24 اپریل 2025 16:00

بیجنگ (اُردو پوائنٹ اخبارتازہ ترین - اے پی پی۔ 24 اپریل2025ء) چین نے کہا ہے کہ امریکا کے ساتھ ٹیرف کےمعاملے پرمعاہدہ تو دور کی بات مشاورت یا مذاکرات ہی نہیں کئے ہیں ۔

(جاری ہے)

شنہوا کے مطابق یہ بات چینی وزارت خارجہ کے ترجمان گو جیاکون نے جمعرات کو نیوز بریفنگ کے دوران امریکا کی جانب سے حالیہ خبروں کے جواب میں کہی ، جس میں کہا گیا تھا کہ دونوں ممالک مذاکرات کر رہے ہیں اور جلد ہی ٹیرف سے متعلق معاملے پر کسی معاہدے پر پہنچ سکتے ہیں۔

چینی ترجمان نے کہا کہ یہ سب جھوٹی خبریں ہیں، انہوں نے مزید کہا کہ یہ امریکا ہے جس نے چین کے ساتھ ٹیرف وارشروع کی ہے اور چین کا رویہ مستقل اور واضح ہے۔ انہوں نے کہا کہ اگر ہمیں لڑنا پڑا تو ہم لڑیں گے اور اگر بات چیت کرنا چاہتا ہے تو ہمارے دروازے کھلے ہیں۔ انہوں نے مزید کہا کہ چین صرف برابری، احترام اور باہمی فائدے پر مبنی بات چیت اور مذاکرات چاہتا ہے۔