پریانکا چوپڑا عالمی سازش کے خلاف مشن پر نکل پڑیں

وہ جلد ہی ایس ایس راجمولی کی فلم SSMB29 میں مہیش بابو کے ساتھ نظر آئیں گی

جمعہ 25 اپریل 2025 11:40

ممبئی (اُردو پوائنٹ اخبارتازہ ترین - این این آئی۔ 25 اپریل2025ء)بالی ووڈ اور ہالی ووڈ اسٹار پریانکا چوپڑا اور جان سینا کی فلم ہیڈز آف اسٹیٹ کا ٹریلر جاری کر دیا گیا ہے۔ اس فلم میں پریانکا چوپڑا عالمی سازش کے خلاف مشن پر ایکشن کرتی نظر آئیں گی۔ ایکشن سے بھرپور اس فلم میں کامیڈی کا تڑکہ بھی ہوگا۔ بڑے پردے پر یہ فلم 2 جولائی کو ریلیز ہوگی جس میں پریانکا چوپڑا، جان سینا، ادریس ایلبر اور جیک کوائیڈ اہم کرداروں میں نظر آئیں گے۔

فلم کی ہدایت کاری ایلیا نیشولر نے کی ہے۔ہیڈ آف اسٹیٹ کی کہانی امریکی صدر(جان سینا)اور برطانوی وزیر اعظم (ادریس ایلبر)کے گرد گھومتی ہے جو دشمن علاقے میں پھنس جاتے ہیں۔ پریانکا چوپڑا ایم آئی 6 ایجنٹ نوئل بِسے کا کردار ادا کر رہی ہیں، جو ان دونوں رہنماں کو بچانے اور ایک بین الاقوامی سازش کو روکنے کی مہم پر نکلتی ہیں۔

(جاری ہے)

ٹریلر میں مزاحیہ اور سنسنی خیز مناظر شامل ہیں، جن میں ہوائی جہاز پر حملہ، رہنماں کی جان بچانا، اور پھر دنیا کو بچانے کے لیے ان کا اتحاد دکھایا گیا ہے۔

ہیڈز آف اسٹیٹ 2 جولائی کو پرائم ویڈیو پر انگریزی کے ساتھ ہندی، تمل، تیلگو اور ملیالم زبانوں میں ریلیز کی جائے گی۔یاد رہے کہ پریانکا چوپڑا کے کیریئر میں سال 2025 خاص اہمیت رکھتا ہے۔ وہ جلد ہی ایس ایس راجمولی کی فلم SSMB29 میں مہیش بابو کے ساتھ نظر آئیں گی، جو ان کی تقریبا 20 سال بعد تیلگو سینما میں واپسی ہوگی۔ اس کے علاوہ وہ The Bluff اور Citadel سیزن 2 میں بھی جلوہ گر ہوں گی۔