پنجاب،یونائیٹڈ سکھ اسٹوڈنٹس فیڈریشن کا کشمیری طلباء کے خلاف پرتشدد کارروائیاں روکنے کامطالبہ

جمعہ 25 اپریل 2025 14:30

امرتسر(اُردو پوائنٹ اخبارتازہ ترین - این این آئی۔ 25 اپریل2025ء)بھارتی ریاست پنجاب میں یونائیٹڈ سکھ اسٹوڈنٹس فیڈریشن نے خاص طورپر ریاست میں زیر تعلیم کشمیری طلباء کے خلاف پر تشددکارروائیاں روکنے پرزوردیاہے ۔

(جاری ہے)

کشمیر میڈیا سروس کے مطابق یونائیٹڈ سکھ اسٹوڈنٹس فیڈریشن نے ایک بیان میں کشمیری طلباء کے خلاف پرتشدد کارروائیاں روکنے پر زوردیا ہے اور کہا ہے کہ کسی بھی انفرادی اقدام پرپوری قوم کو انتقام کا نشانہ نہیں بنایا جانا چاہیے۔

بیان کے مطابق بہت سے کشمیری طلبا پنجاب بھر کے کالجوں میں زیر تعلیم ہیں۔ وہ یہاں تعلیم حاصل کرنے اور اپنا مستقبل بنانے کے لیے آئے ہیں۔ ان کے ساتھ عزت اور انصاف کے ساتھ پیش آنا چاہیے۔ اسٹوڈنٹس فیڈریشن نے یقین دلایا کہ وہ اداروں اور حکام کے ساتھ مل کشمیری طلباء کیلئے محفوظ ماحول کو یقینی بنائے گی۔فیڈریشن نے طلبا اور عوام پر زور دیا ہے کہ وہ متحد رہیں اور پرامن ماحول برقرار رکھیں۔