ٓمو سم گرما میں پینے کے صاف ہانی کی بلا تعطل فراہمی کیلئے حکمت عملی تیا ر کی ہے،بلال یاسین

جمعہ 25 اپریل 2025 18:10

غ راولپنڈی (اُردو پوائنٹ اخبارتازہ ترین - آن لائن۔ 25 اپریل2025ء) صوبائی وزیر ہاؤسنگ اربن ڈویلپمنٹ اینڈ پبلک ہیلتھ انجنئیرنگ ڈیپارٹمنٹ بلال یاسین کی ہدایت پر واٹر اینڈ سینی ٹیشن ایجنسی (واسا) راولپنڈی نے مو سم گرما میں پینے کے صاف ہانی کی بلا تعطل فرہمی کیلئے حکمت عملی تیا ر کی ہے واسا کے منیجنگ ڈائر یکٹر محمد سلیم اشرف کے مطابق موسم میں اچانک تبدیلی اور ہیٹ ویو کی وجہ سے پانی کی ڈیمانڈ اضا فہ ہوا ہے انہوں نے کہا کہ واسا راولپنڈی شہریوں کو 5 کروڑ 10 لاکھ گیلن یومیہ پانی فراہم کر رہا ہے جبکہ ضرورت 7 کروڑ گیلن یومیہ ہے اس کمی کو پورا کرنے کیلئے متعدد اقدامات کر رہے ہیں جس کے تحت پانی کی قلت کو پورا کر نے کیلئے ٹیوب ویلوں کے چلانے کے دورانیہ میں اضافہ کیا گیا ہے سسٹم میں پانی کے ضیاع کو روکنے کیلئے لیکیجز کو ختم کرنے اور تمام علاقوں میں یکساں سپلائی کو یقینی بنایا جا رہا ہے لوڈ شیڈنگ سے متاثرہ علاقوں میں ٹیوب ویلوں کے شیڈول بجلی کی فراہمی سے ہم آہنگ کیا جارہا ہے انہوں نے عوام کو بھی اب اپنے رویوں میں تبدیلی لا کر پانی بچانے میں واسا کی مدد کریں پانی کے ضیاع کو روکنے کے لیے سخت اقدامات کئے جا رہے ہیں عدالتی احکامات کے مطابق گھریلو صارفین کو پانی کے ضیاع پر 10 ہزار اور کمرشل صارفین کو پانی کے ضیاع پر 20 ہزار کے چالان کئے جارہے ہیں صارفین کو پانی کی فراہمی کو یقینی بنانے کیلئے لوگوں کو پانی کو گھروں کی ٹینکیوں میں محفوظ بنانے کے متعلق آگہی فراہم کی جا رہی ہے۔